ئەمینداری یەكگرتوو پێشوازیەكانی بەردەوامە

14/06/2016 - 17:10 بڵاوکراوەتەوە لە هەواڵ/كوردستانی

كوردیو - هەولێر

ئەمرۆ سێ شەممە 14-6-2016 (سەلاحەدین محمد بەهائەدین) ئەمینداری گشتی یەكگرتووی ئیسلامی پێشوازی كرد لە ستافی ناوەندی دووی رێكخستنی هەولێر .

لە دیدارێكدا ستافی ناوەند پیرۆزبایی خۆیان ئاراستەی ناوبراو كرد بەبۆنەی هەڵبژاردنەوەی بە ئەمینداری گشتی و سەركەوتنی كۆنگرەی حەوتەم .

لەلایەن خۆیەوە ئەمینداری گشتی سوپاس و پێزانینی خۆی ئاراستەی ستافی ناوەند و رێكخستنەكان كرد بۆ هەوڵ و تێكۆشانەكانیان لە خولی شەشەم و هیواشی خواست خولی داهاتووی یەكگرتوو لە ئاست داخوازیەكانی ناوخۆو جەماوەرو شەقام بێت بۆ كوردستانیان بەگشتی.

هەر ئەمرۆ سێ شەممە 14-6-2016 مامۆستا (سەلاحەدین محمد بەهائەدین) ئەمینداری گشتی یەكگرتووی ئیسلامی كوردستان لە بارەگای تایبەتی خۆی لەهەولێر پێشوازی لە بەرپرس كارگێران و بەشێك لەئەندامان و رێكخستنەكانی سنوری لقی كۆیەی یەكگرتوو كرد.

وەفدی لقی كۆیە كە بە مەبەستی پیرۆزبایی لە جەنابیان و دەسبەكاربوونی وەك ئەمینداری گشتی یەكگرتوو كرد، وێڕای پیرۆزبایی هیوای سەركەوتنیان بۆ خواست وپاڵپشتی خۆیان وئامادەییان بۆ دووپاتكردەوە بۆ خزمەتكردن بە قۆناغی داهاتووی كاروانی پڕ شكۆی یەكگرتوو.

لای خۆشیەوە مامۆستا سەلاحەدین پیرۆزبایی مانگی رەمەزان و سوپاسی پێشوازی گەرم و گوڕی لقی كۆیەی كرد لە كارو چالاكیە نەوعیەكانی، و هیوای خواست سەركەوتنی كۆنگرەی حەوت و خولی نوێی كاری یەكگرتوو دەستكەوت و سەركەوتنی زیاتر بۆ یەكگرتوو و گەلەكەمان بەگشتی بەدەست بهێنێت بە هاوكاری و هەماهەنگی هەموو لایەك و رایگەیاندن كە یەكگرتوو بەر لە هەموو شتێك ڕەوتێكی مەبەدەئی و بیروباوەرو ئەخلاق و پێویستە سەرجەم ئەندامانی یەكگرتوو كاری بەردەوام و بێ وچان بكەن بۆ كاركردن لەسەر ئەندامان و رێكخستنەكانی یەكگرتوو و جیاوازی لەكارو كرداری و ئاكارو ڕەوشت بەشێكی بنەڕەتیە لە پەیامداریمان و لەو ڕووەوە هەوڵی رێكخستن و ئەندامانی نرخاند و داوای كرد بەردەوام بن.

لەئاستی كۆمەڵگاش پرسی دادپەروەری و چاكسازی و ریشەكەندكردنی گەندەڵی ئەركێكی تری یەكگرتووەو بەرفراوانكردنی پانتایی دادپەروەری و سەقامگیری كۆمەڵگا دەپارێزێت و ئاسودەیی ئاسۆی بەرقەرار دەكات.

دواتر بەرپرسی لقی كۆیە تیشكی خستە سەر دەڤەری كۆیە و خوستی ئەندامان و خەڵكەكەی و ئەمینداری گشتی خۆیانی بۆ راگەیاند.

 

م. كانی