گۆڕان لەهەڵەبجە: ناوەكانمان بۆ ئەنجومەن ناردوە، بەڵام بەفەرمی نەمان ناردوە

14/06/2016 - 18:17 بڵاوکراوەتەوە لە هەواڵ/كوردستانی

بەرپرسی مەكۆی هەڵەبجەی بزوتنەوەی گۆڕان ڕوو ن كردنەوەیەك دەدا

كوردیو ـ هەڵەبجە ـ حەیدەر حەمەصاڵح
پاش ئەوەی ئەمڕۆ پارێزگاری هەڵەبجە ڕایگەیاند كە بزوتنەوەی گۆڕان ناوی كاندیدانی بۆ ئەنجومەنی پارێزگای هەڵەبجە ناردوە سەبارەت بە لێدوانە پێچەوانەكانیش بەرپرسی مەكۆی هەڵەبجەی بزوتنەوەی گۆڕان ڕون كردنەوەیەك دەدا .

نزار مەحمود، بەرپرسی مەكۆی هەڵەبجەی شەهیدی بزوتنەوەی گۆڕان لە لێدوانێكیدا بۆ كوردیو ڕایگەیاند : بەڵێ ئێمە ناوی كاندیدەكانمان بۆ ئەنجومەنی پارێزگا ناردوە بۆ دیوانی پارێزگای هەڵەبجە بەڵام بەشێوەیەكی فەرمی نەمان ناردوە چونكە برادەرانی یەكێتی داوایان كرد كە پێكەوە هەموو لایەنە سیاسیەكان لەمەراسیمێكدا بە شێوەیەكی فەرمی ناوەكان ڕادەستی پارێزگای هەڵەبجەی بكەین .

دەربارەی كاندیدەكانی بزوتنەوەی گۆران وتی : كاندیدەكانمان بۆ ئەنجومەنی پارێزگای هەڵەبجە پێك دێت لە هەریەكە لە( هەردی عەلی ، هادی حەمەڕەشید ،ماردین ئەبوبەكر ،سالار مەحمود ،چرۆ موحەمەد ).

پێك هاتەی ئەنجومەنی پارێزگای هەڵەبجە بەپێی ئەنجامی هەڵبژاردنەكانی 30ی 4 و هەریەكە لە یەكێتی 6 كورسی و گۆران 5 كورسی و یەكگرتوو 4 كورسی و كۆمەڵ 3 كورسی و پارتی 3 كورسی و بزوتنەوە دوو كورسی و شیوعی یەك كورسی و كاكەییەكانیش كورسی كۆتایان بەردەكەوێ‌ .

م. كانی