یەكگرتووی ئیسلامی تەقینەوەكانی توركیا ئيدانە دەكات

29/06/2016 - 15:22 بڵاوکراوەتەوە لە هەواڵ/كوردستانی

كوردیو - هەولێر

ئەنجومەنی سیاسی یەكگرتووی ئیسلامی كوردستان لە ڕاگەیەندراوێكیدا كە ئاراستەی كونسڵخانەی كۆماری توركیای كردووە ئاماژەی بەوە كردووە: ئێمە لە یەكگرتووی ئیسلامی كوردستان پەلامارە تیروریستیەكەی فرۆكەخانەی نێودەوڵەتی ئەستانبوڵ بە توندی ئیدانەی دەكەین ‌و نیگەرانی خۆمان لەو بارەیەوە دەردەبڕین .

لە ڕاگەیەندراوەكەی ئەنجومەنی سیاسی یەكگرتووی ئیسلامی كوردستان ئەوەش هاتووە: بەداخەوە تاوانی ئاوا گەورە لە ڕۆژانی كۆتایی‌و قەدری مانگی ڕەمەزانی پیرۆزدا دژ بە هاوڵاتیان‌و گەشتیارانی سڤییل ئەنجام دەدرێ .. ئەوەش مانای ئەوەیە كە بكەرانی ئەم كردەوە دڕندانە هیچ ڕێزێك بۆ بەهاو بنەما ئیسلامی‌و ئینسانیەكان دانانێن .

یەكگرتووی ئیسلامی كوردستان ئاماژەی بەوەش كردووە: بۆیە دەخوازێت هەمووان لەبەرەی دژە تیرۆردا هاوكارو هاو هەوڵوێست بن بۆ ڕێگرتن لە كردەوە نا مرۆڤانەكانیان .

لە كۆتاییشدا ئەوەوتراوە: جارێكی تر لە خوای گەورە داواكارین شەهیدەكان بە بەهەشت شاد بكات‌و شیفای بریندارەكان بنێرێت‌و سەبووری كەس‌وكاریان بدات .

م. كانی