یەكێتی بەیاننامەیەك دژی كۆنگرەیەكی نێودەوڵەتی لەسەر پرسی ژنان و خێزان

30/06/2016 - 11:58 بڵاوکراوەتەوە لە هەواڵ/كوردستانی


جیاواز لە دۆخی چەقبەستوی كوردستان و قەیرانە جۆراو جۆرەكانی هاوڵاتیان پێوەی دەناڵێنن، مەكتەبی سیاسی یەكێتی بەیاننامەیەك بڵاو دەكاتەوە دژی كۆنگرەی نێودەوڵەتی ئەستەنبوڵ بۆ میساقی خێزان كە تایبەتە بە پرسی ژنان و خێزان.


بە گوێرەی ڕاگەیەنراوەكەی مەكتەبی سیاسی یەكێتێتی كە تیایدا هاتوە " لە (6)ی ئەپریلی 2016 كۆنگرەی نێودەوڵەتی میساقی خێزان لەشاری ئەستەنبولی وڵاتی توركیا بەرێوەچوو، لە ڕاگەیاندراوی كۆتایی كۆنگرەكەدا، ئەو خاڵە جێگیركراوە، كە (میساقی خێزان) دەبێتە جێگرەوەی رێكەوتنامەی جیهانی بنەبڕكردنی هەموو جۆرە جیاكاریەك دژی ژنان ( رێكەوتنامەی سیداو -18ی دیسەمبەر 1979) "


هەروەك دەڵێت " ئێمە لەیەكێتیی نیشتمانیی كوردستان، لەكاتێكدا سورین لەسەر سیاسەتی تەواومان بە خەباتی مەدەنی و دیموكراسی و یەكسانیخوازانەی ژنان ، لەهەمان كاتیشدا راسپاردەی كۆتایی كۆنگرەی نێودەوڵەتی میساقی خێزان لە ئەستەنبول رەتدەكەینەوە، هەروەها پشتیوانی بێ‌ چەند و چوونی هەڵوێست و ناڕەزایی تۆری هاوبەشی رێكخراوەكانی ژنان و كۆمەڵی مەدەنی و كەسایەتی و چالاكوانانی مافی مرۆڤین لەكوردستان و پێمانوایە لەكاتێكدا، كە رێكخراوی نەتەوە یەكگرتووەكان بەبڕیاری ژمارە (180/34) لە 18ی دیسەمبەری 1979 رێكەوتنامەی سیداوی وەك بەڵگەنامەیەكی نێودەوڵەتی بۆ پاراستنی مافەكانی ژنان و بنەبڕكردنی جیاكاری رەگەزی دژی ژنان ناساندووەو لەساڵی 1981 –ەوە كاری پێدەكرێ‌ و 181 دەوڵەت بەجیاوازی ئاینی و نەتەوەیی و كولتورییەوە ئیمزایان كردووە، هەروەها جاڕنامەی گەردوونی مافەكانی مرۆڤ هەیە".


مەكتەبی سیاسی یەكێتی پێی وایە " میساقی خێزان)، نەك یەكسانی و مافە دیموكراسیەكانی ژنان دەستەبەر ناكات، بەڵكو بەپێچەوانەوە ڕەنگدانەوەی خراپی لەسەر خەباتی ژنان دەبێت و رۆڵی نالەباریشی لە پاراستنی خێزان و بەختەوەری مرۆڤیش دەبێت."

 

am