سلێمانی ... بەهۆی دەستكاری چەكەوە، منداڵێكی نۆ ساڵان باوكی خۆی كوشت

01/07/2016 - 08:45 بڵاوکراوەتەوە لە هەواڵ/كوردستانی
كوردیو ـ سلێمانی
 
لەناحیەی عەربەت سەر بە پارێزگای سلێمانی منداڵێك گولـەیەكی لەدەست دەردەچێت و برایەكی بچوكی بریندار دەكات و باوكی خۆی دەكوژێت.
 
نەقیب سەركەوت ئەحمەد وتەبێژی پۆلیسی سلێمانی بە كوردیوی رایگەیاند : لەناحیەی عەربەتی سەر بەشاری سلێمانی،  منداڵە تەمەن نۆ ساڵانەكەی دەستكاری دەمانچەكەی باوكی دەكات كە كارمەندی ئاسایشە  و گولەیەكی لەدەست‌ دەردەچێت، لەپێشدا گولـەكە بە برا بچكوكەكەی دەكەوێت دواتر بەر باوكی و بەهۆیەوە گیان لەدەستدەدات .
 
نەقیب سەركەوت وتیشی: منداڵەكە لە نەخۆشخانەیە لەژێر چاودێری پزیشكیدایە، بەڵام باوكی دەستبەجێ گیانیلەدەستداوە، تیمەكانی‌ بەڵگەی تاوانیش ‌‌لێكۆڵینەوەیان لەسەر ‌روداوەكە دەستپێكردووە.