سەرۆكی فراكسیۆنی بزوتنەوە: توندترین سزا بۆ تاوانباری كوشتنی گەنجەكەی كەركوك

25/07/2016 - 17:39 بڵاوکراوەتەوە لە هەواڵ/كوردستانی

 

كوردیو - هەولێر

كاردانەوەكان لەسەر كوشتنی گەنجەكەی شاری كەركووك كە لە سەر پشتی نووسرابوو بژی مەسعود بارزانی و لەسەر سینگیشی نووسرابوو بژی كاك نیچیر، ئەندامیكی لیژنەی مافی مرۆڤ هاتە دەنگ و ووتی: نەك هەر ئیدانەی دەكەین بەپێویستی دەزانین تاوانبار بدۆزریتەوە و بە توندترین سزا بدرێت.

جێی باسە هەفتەی رابردوو گەنجێك بە ناوی (بارزان حمە رحیم) لە شاری كەركوك كە بە شێوەیەكی دڕندانە كوژرابوو دۆزرایەوەو كەسوكارەكەشی ئاسایشی یەكێتی لە شارەكە تۆمەتبار دەكەن بە كوشتنی.

د.شوان قەلادزێی، ئەندامی لیژنەی مافی مرۆڤ لەپەرلەمانی كوردستان و سەرۆكی فراكسیۆنی بزوتنەوەی ئیسلامی لەسەر كوشتنی گەنجەكەی شاری كەركوك كە بە شیوەی ئەشكەنجەو سوتان كوژرابوو رایگەیاند:ەكوشتنی گەنجێك بەناوی (بارزان حمە رحیم ) لەشاری كەركوك بەشێوەیەكی درندانەو دور لەهەمو بەهاكانی ئاسمانی و زەمین زۆر بەتوندی ئیدانەوتاوانبار ئەكەین .

ئەندامەكەی لیژنەی مافی مرۆڤ لە لاپەرەی خۆی لەتۆری كۆمەلایەتی فەیس بووك نوسیویەتی : بەپیویستی ئەزانین بەزوترین كات بەرپرسانی ئیداری و ئەمنی كەركوك تاوانبار دەستگیر بكەن و بەپێی یاسا توندترین سزای بەسەردا جێ بەجێ بكریت بۆئەوەی جاریكی تر تاوانی گەورە و نامرۆڤانەو درندانەی لەو شێوەیە دوبارە نەبێتەوە و هاونیشتیمانیان بەئارامی و ئۆقرەیی بژین.

سەرۆكی فراكسیۆنی بزوتنەوەی ئیسلامی راشیگەیاند: لەلایەكی تر ئەگەر بەزوترین كات تاوانباری ئەو تاوانە قێزەون و تۆقێنەرە دەست گیرنە كریت و ڕادەستی دادگا و یاسا نەكریت نیشانەی پرسیار لەسەر ئیدارەی شارو هیزە ئەمنیەكان دروست ئه بێت و متمانەی كەركوكیەكان بەئیدارەی كوردی لەق تر ئەبێت.

 

جوان دلێر