پەرلەمانتارێكی یەكگرتوو سەری پەرلەمانی بەرزكردوەو سەرۆكی پەرلەمان و جێگرەكەی دانیان پێداناوە

27/07/2016 - 18:46 بڵاوکراوەتەوە لە هەواڵ/كوردستانی

 

كوردیو - محمد عمر كانی

سەرۆكی فراكسیۆنی یەكگرتووی ئیسلامی چەندین نهێنی و كاری پەرلەمانتارێكی فراكسیۆنەكەی ئاشكرا دەكات و دانپێدانانی سەرۆكی پەرلەمان و جێگرەكەشی دەخاتەڕوو كەبە چالاكترین ئەندامی پەرلەمانیان داناوەو دەشڵێت: سەری پەرلەمان و یەكگرتووی ئیسلامی و خۆیشی بەرزكردۆتەوە .

ئەبوبەكر هەڵەدنی، سەرۆكی فراكسیۆنی یەكگرتووی ئیسلامی كوردستان لەسەر هەڵوێست و خزمەتەكانی مامۆستا غەریب پێنجوێنی چەندین نهێنی و كاری ئەو پەرلەمانتارە ئاشكرا دەكات و دەڵێت: مامۆستاغەریب پێنجوێنی سەری پەرلەمان ویەكگرتوو وخۆی بەرزكردۆتەوە! .

سەرۆكی فراكسیۆنی یەكگرتووی ئیسلامی ئەوەی خستۆتەڕوو: مامۆستا غەریب پێنجوێنی پیاوێكی تابڵێی دڵسۆز ،كەم قسە وزۆركردەوە،سەربازێكی وون ،خەمخۆری جوتیاران وهەژاران وماف خوراوان،نوێنەرێكی ڕاستەقینەی پێنجوێنیەكان(چونكە زۆربەی دەنگەكانی لەوێ بەدەست هێنا)،هەمیشە هەگبە وجانتاكەی پڕە لەسكاڵاوداواكاری خەڵك وڕاپۆرتی سەردانە مەیدانیەكانی .

ئاشكرای كردووە: بەدانپیانانی سەرۆكی پەرلەمان وجێگرەكەی چالاك ترین ئەندامی پەرلەمانە،لیژنەكەشی لیژنەی كشتوكاڵ كەبەڕێزیان جێگروداینەمۆ وهەڵسوڕێنەروكاربەڕێكەری ڕاستەقینەی لیژنەكەیە چالاك ترێن لیژنەی پەرلەمانە.

سەرۆكی فراكسیۆنی یەكگرتووی ئیسلامی دەنوسیێت: دوێنێ كاتژمێرجواری بەیانی دەرچوین بۆهەولێر سەعات شەش ونیو بەدواداچونی بۆعەلوەی هەولێر كردوە تاچەند بەقاجاغ میوەی ئێرانی هاتوە كەبەزیانی جوتیارانی كوردتەواو دەبێت ئەمەش بەقازانجی چەند هەلپەرستێك پاشان سەردانی وەزارەتی كشتوكاڵ وتەلەفون بۆپارێزگاری هەولێروگفتوگۆ لەگەڵ جێگری سەرۆكی پەرلەمان بۆڕاگرتنی ئەو فەزاحەتە،ئەمە مشتێ لە نمونەی خەروارێ وتەنها نمونەیەك لەسەدان نمونە .

هەروەها نوسیویەتیشی: مامۆستاغەریب كێڵگەی جوتیار وسایلۆ ودەواجنی ئەم كوردستانە كەم ماوە سەری پێانەكردبێت،تەنانەت گیانی خۆی خستە مەترسیەوە لەگەڵ هاوكارەكانی لەلیژنەكە سەردانی بەغدادی كرد بۆپارەی گەنمی جوتیاران، وەزارەت بەوەزارەت ودائرە بەدائرە بەدوای مافی ماف خوراواندا دەگەڕێ،ڕێگریەكانی بەردەمی ومامەڵەی نەشیاوی هەندی لەكاربەدەستان وتەنانەت هەندێ پاتاڵێ ناحاڵی بازگەو فەرمانگەكان،(كەخۆم لەخزمەتیا شایەت حاڵ بووم)ئەوی ساردنەكردۆتەوە،هەمیشە شەوو ڕۆژ بەمیهرەبانیەكەی خۆی تەلەفونەكەی وەك دڵی كراوەیە بەڕووی هاوڵاتیاندا،مامەڵە جوانەكەی لەگەڵ هەموان بێ جیاوازی وای لەبرادەرێكی مەشرەب علمانی كرد بڵێ ئیسلامەتی وەك تۆم قبوڵە ودەبم بە (ئەباهورەیرەبۆت).

لە كۆتاییشدا سەرۆكی فراكسیۆنی یەكگرتووی ئیسلامی روودەكاتە پەرلەمانتاری حیزبەكەی و دەڵێت: دەك سەدئافەرینت لێ بێت ،سەری خۆت ومەلا وپەرلەمانتار ویەكگرتووت چەندە بڵند ڕاگرتوە،نەمتوانی ئەم راستیانە نەڵێم ، شەرەفمەندم ئەم دووساڵ ونیوەی پەرلەمان گەوهەرێكی وەك تۆم دەسكەوت وبەلوتفی خۆت چكۆلەیەكی وەك ئێمەمانت كردە هاوڕێی سەفەرەكانت ولەسەر ڕاپۆرتەكان كەبۆسەرۆكایەتی پەرلەمانت دەنارد ناوی بەندەشت لەتەك ناوی خۆت دادەنا.دەك ماندوونەبیت ماندوونەناس،دەك شانازی مێژووت پیرۆز بێت كەلە جوانترین لاپەڕەوە چویتە ناوی،خودا لێت رازی بێت كەچەند دڵی خەڵكت خۆش كردوە كە هەڵگری خەمەكانیانی،سوپاس بۆخوشك وبرایانی لیژنەی كشتوكاڵیش كە بەمانای ووشە هاوكارتن .

 

م. كانی