ئاسایشی سلێمانی: سێ کەس دەستگیر دەكات

14/08/2016 - 11:53 بڵاوکراوەتەوە لە هەواڵ/كوردستانی

 

لە راگەیندراوێكی ئاسایشی ڕۆژئاوای سلێمانی كە ئەمڕۆ بلاوكرایەوە هاتووە كە سێ كەسیان بە تۆمەتی تەقەكردن دەستگیركردووە.


ئەحمەد نادر، بەڕێوەبەری ئاسایشی ڕۆژئاوای سلێمانی ڕاگەیاند: لەماوەی پێشودا چەند کەسێک تەقەیان لە ماڵان دەکر و پشێوییان دروست دەکرد بەتایبەتی لە ناحیەی تەکیەی کاکەمەندی سەر بە قەزای چەمچەماڵ، هێزەکانمان توانیان سێ کەس دەستگیربکەن و ئەو سێ کەسە دانیان بەتاوانەکەیاندا ناوە و هیچ پەیوەندییەکیان بەداعش و لایەنە سیاسیەکانەوە نییە.
جێی ئاماژەیە لەماوەی پێشودا بەردەوام هاوڵاتیانی چەمچەماڵ و دەوروبەری سکاڵایان لەدەست تەقەکەرەکان هەبووە و لە زۆربەی خۆپیشاندان و داواکارییەکانیاندا، داوای دەستگیرکردنی ئەو کەسانەیان کردووە کەتەقە لەماڵان دەکەن و ئارامی ناوچەکەیان خستووەتە مەترسیەوە.

ش.م