ئەحمەدئاوا، بە هەزاران دۆنم پوش و پاوان دەسوتێن

14/08/2016 - 12:52 بڵاوکراوەتەوە لە هەواڵ/كوردستانی

 

بەهۆی بەرزبوونەوەی پلەكانی گەرما، ڕووبەرێكی زۆری چیا و پێدەشتەكان وشك بوونە، هەر بەم هۆیەوە نزیكەی هەزاران دۆنم پووش و پاوانی دەوروبەری سنووری سەیرانگەی ئەحمەد ئاوا سوتاون.

عەقیدی پۆلیس هێمن كەمەرخان ئەفەندی، بەڕێوەبەری ڕاگەیاندن لە بەڕێوەبەرایەتی پۆلیسی دارستان و ژینگەی پارێزگەی سلێمانی رایگەیاند: ئاگرێكی گەورە لە سنووری ئەحمەد ئاوا روویدا، سەرەڕای ئەوەی كە خێرا تیمەكانی بنكەی پۆلیسی دارستان و ژینگەی بیارە و خورماڵ گەیشتە شوێنی ڕووداوەكە و لە ماوەی نۆ سەعاتدا ئاگرەكەیان كۆنترۆڵ كرد، بەڵام رووبەرێكی زۆری زەوییەكان كە نزیكەی دوو هەزار دۆنم پووش و پاوانی دەوروبەری سنووری سەیرانگەی ئەحمەد ئاوا سووتاون.

بەپێی راگەیاندنەكەی بەڕێوەبەرایەتی پۆلیسی دارستان و ژینگەی پارێزگەی سلێمانی بەهۆی رووداوەكە، دوو هەزار دۆنم پووش و پاوان سووتاوە و هۆكاری ئاگركەوتنەوەكەش بەهۆی راوچییەك بووە كە تەقەی لە ئاژەڵی كێوی كردووە.