ئەدهەم بارزانی وەڵامی درووستبونی باندێكی مافیای پارتی لە سلێمانی دەداتەوە

15/08/2016 - 18:44 بڵاوکراوەتەوە لە هەواڵ/كوردستانی

 

كوردیو - محمد عمر كانی

دوای ئەوەی میدیایەكی سلێمانی لەسەر درووستبونی باندێكی مافیایی "پارتی" ڕاپۆرتێكی بڵاوكردەوە سەرۆكی ئەنجومەنی سەركردایەتی پارتی لە سلێمانی و هەڵەبجە دەڵێت: لە كاتێكی كەمدا گوێبیستی هەموو ڕاستیەكان دەبن .
 
ئەدهەم بارزانی، سەرۆكی ئەنجومەنی سەركردایەتی پارتی لە سلێمانی و هەڵەبجە وەڵامی لڤین دەداتەوە لەسەر ئەو راپۆرتەی كە بەناونیشانی "وێنەو زانیاری لەسەر باندە مافیاكەی پارتی لە سلێمانی بڵاودەكاتەوە" .
 
لڤین نوسیبووی:" بەڕێوەبەرایەتی گشتی ئاسایشی سلێمانی دوای کۆکردنەوەی زانیاری و بەڵگەی دروست باندێکی کوشتن و دزی فڕاندن و ڕێگری و دەستدرێژی سێکسی بۆسەر هاوڵاتیان دەستگیر کردوە لە ئێستادا لەژێر لێکۆڵینەوەدان بەمەبەستی ئامادەکردنیان بۆ دادگایکردن و زانیارییەکانیش ئاماژە بەوەدەكەن سەرۆکی ئەو باندە کادیرێکی پاراستنی پارتی دیموکراتی کوردستانە لە پارێزگای سلێمانی بەناوی (ئەیوبە ڕیشە) ، تەمەنی لەسەروو (30) ساڵییەوەیە و خوێندنی تەواو نەکردوە" .
 
لەبەرامبەردا ئەدهەم بارزانی دەڵێت: به‌رێوه‌به‌رانی لڤین ، من هیچ كات ئامادەنەبووم و نیم وەڵامی بابه‌تێكی له‌م شێوه‌یه‌ بده‌مه‌وه‌ كه‌ هیچ بنه‌مایه‌كی ڕاستی تیادا نه‌بێت ، به‌ڵام چونكه‌ من خۆم و ڕاسته‌وخۆ و پاش كاتژمێر ٩ و ٣٥ خۆله‌كی شه‌وی چوارشه‌مه‌ی١٠ له‌ سه‌ر ١١ -٨-٢٠١٦ ، به‌ دواداچونم كرد بۆ ئه‌م بابه‌ته‌ و تاكو ئێستاش و به‌ چه‌ندین كورته‌ نامه‌ و ته‌له‌فۆن بۆ به‌رپرسانی حزبی و حكومی ئه‌و سنوره‌ له‌ سه‌ر گرتنی ئه‌یوب عوسمان عارف ئیسماعیل .
 
ئەدهەم بارزانی دەشڵێت: له‌ به‌ر ئه‌م هۆیه‌ لێره‌وه‌و وه‌ك ڕێزگرتنێك له‌ پێگه‌كه‌تان له‌ ناو ڕاگه‌یاندنی كوردستان ولامێكی ڕاسته‌وخۆتان ناده‌مه‌وه‌ و هه‌ر ئه‌وەنده‌ ده‌ڵێم تا كاتێكی كه‌می تر گوێبیستی هه‌موو ڕاستیه‌كان ده‌بن .
 
م. كانی