گورگ دەیان مەڕ و بزن لەناو دەبات

17/08/2016 - 13:33 بڵاوکراوەتەوە لە هەواڵ/كوردستانی

 

لە سنووری شارۆچكەی شەقڵاوە، شەوی رابردوو گورگ پەلاماری مێگەلە مەڕ و بزنی هاووڵاتییەكی داوە بەدەیان سەری لەناو بردووە.


خاون ئاژەڵەكە راگەیاند: شەوی رابردوو لە گوندی لاسای سەر بە شاری شەقڵاوە، گورگ پەلاماری مەڕ و بزنەكانی دام و زیاتر لە (45) مەڕو بزنی کوشتووە و لەناوی بردن و چەندینی دیكەش بریندار بوون، ئەوانی دیكەش پەرش بڵاو بوونە و تا ئێستا بە دوای دوزێنەوەیانین بەمەش زیانێكی زۆری مادیم بەركەوتووە.

ئەو ئاژەڵدارە داواكار بوو لە حكوومەت و لایەنی پەیوەندیدار بەدواداچوون بۆ زیانەكەی بكرێت و قەرەبوو بكرێتەوە، ئاماژەشی بەوەدا، تائێستا ژیان و بژێومان لەسەر بەخێوكردنی كاری ئاژەڵداری بووە و ئێستاش زۆربەی مەڕ و بزنەكانم بەهۆی پەلاماری گورك لەناو چوون.

ش.م