یەكێتی و گۆڕان ئەمڕۆ بڕیاری كۆتایی دەدەن لەسەر پۆستی پارێزگاری سلێمانی

18/08/2016 - 10:55 بڵاوکراوەتەوە لە هەواڵ/كوردستانی


میدیای فەرمی یەكێتی بڵاوی كردەوە، ئەمڕۆ پێنج شەممە شاندی باڵای یەكێتی و گۆڕان لە مەكتەبی سیاسی یەكێتی كۆبونەتەوە، بۆ تاوتوێكردنی پرسی ئاڵوگۆڕی پۆستی خۆجێیەكانی پارێزگای هەڵەبجە و سلێمانی بە پێی ڕێكەوتنامەكەی نێوانیان كە پێش دوو ساڵ لەمەوبەر ئەنجامدرا.


بە گوێرەی زانیاریەكان ئەمڕۆ هەردوولا لایەن تاوتوێی چۆنیەتی ئاڵوگۆڕكردنی پۆستە ئیداریەكان دەكەن بە تایبەت پۆستی پارێزگاری سلێمانی كە پێویستی بە مەرسومی سەرۆكایەتی هەرێم هەیە.


ئەگەرچی بە فەرمی یەكێتی نیشتیمانی ئامادەیی ڕادەستكردنی پۆستی پارێزگاری سلێمانی ڕاگەیاندووە، بەڵام تاوەكو ئەمڕۆ چارەنوسی پۆستەكە یەكلا نەبووەتەوە و لە ئەگەری دەست لەكاركێشانەوەی د.ئاسۆ فەرەیدون پارێزگاری ئێستای سلێمانی، هەریەكە لە سەردار قادری جێگری و هەڤاڵ ئەبوبەكر سەرۆكی ئەنجومەنی پارێزگا كاندیدی سەرەكین بۆ ئەو پۆستە.