ئەمینداری گشتی ستایشی ڕۆڵی زانایان دەكات لە دژایەتیكردنی بیری توندەڕەوی و پاراستنی ئاشتی كۆمەڵایەتی

18/08/2016 - 12:08 بڵاوکراوەتەوە لە هەواڵ/كوردستانی


كوردیو ـ سلێمانی


ئەمینداری گشتی یەكگرتووی ئیسلامی كوردستان ، رۆڵی زانایانی ئاینی بەرز دەنرخێن لە دژایەتی كردنی بیری توندەڕەوی و لادانە فیكریەكان و پاراستنی ئاشتی كۆمەڵایەتی .


سەرلەبەیانی ئەمرۆ پێنج شەممە 18-8-2016 ئەمینداری گشتی یەكگرتووی ئیسلامی كوردستان لە شاری سلێمانی بە ئامادەبوونی ژمارەیەك لە ئەندامانی سەركردایەتی، پێشوازی كرد لە ژمارەیەك لە مامۆستایانی ئاینی پیرەمەگرون كە بەمەبەستی پیرۆزبایی كردن لە سەركەوتنی كۆنگرەی حەوتەم سەردانیان كردبوو.


شاندی میوان وێڕای پیرۆزبایی كردن لە سەركەوتنی كۆنگرەی حەوتەم، ستایشی هەوڵەكانی ئەمینداری گشتی یەكگرتوویان كرد لە ئاشتەوایی كردنی نێوماڵی كوردی و هەروەك پرۆژەی لێكنزیككردنەوەی هێز و رەوتە ئیسلامیەكانی كوردستانیان بەرزنرخاند.


لە میانەی دانیشتنەكەدا ئەمینداری گشتی یەكگرتووی ئیسلامی ستایشی ڕۆل و پێگەی زانایان كرد لە چاكسازی كۆمەلایەتی و هۆشیاركردنەوە ی هاوڵاتیان و پارێزگاری كردن لە بەها باڵاكانی كۆمەڵگای كوردی بە تایبەت دژایەتی كردنی لادانە فیكریەكان و بیری توندڕەوی كە ناوچەكە و عێراقی بە گشتی گرتوەتەوە .