زانایانی پایتەختی ئاشتی ئاهەنگێكی جەماوەری ساز دەكەن

08/10/2016 - 16:14 بڵاوکراوەتەوە لە هەواڵ/كوردستانی

كوردیو ـ هەڵەبجە ـ حەیدەر حەمە صاڵح
بەمەبەستی بەرزو پیرۆز ڕاگرتنی ساڵیادی كۆچی پێغەمبەر مان موحەمەد (درودی خوای لەسەر بێت ) و ساڵی نوێی 1438ی كۆچی و لە ژێر دروشمی ( شارێك بۆ هەموان و نورێك بۆ مرۆڤایەتی ) زانایانی پایتەختی هەڵەبجە ئاهەنگێك ساز دەكەن.
مامۆستا عەبدول حەمید فەرەج ئەندامی لیژنەی سەرپەرشتیاری ئاهەنگەكە لە لێدوانێكیدا بۆ كوردیو ڕایگەیاند : سازكردنی ئاهەنگێك بەبۆنەی سەری ساڵی كۆچی و هیجرەتی پێغەمبەرمان موحەمەد (درودی خوای لەسەر بێت )لە شاری مەككەی زێدی لەدایك بونیەوە بۆ شاری مەدینەی منەورە چەندین پەیام و وانەی گرنگی تێدایە كە تەواوی مرۆڤایەتی پێویستی پێیەتی لەهەمان كاتدا هەست دەكەین ئەم جۆرە بۆنە ئاینیانە بەجۆرێك لە جۆرەكان فەرامۆش كراوون لەلایەن حكومەتەوە هیچ گرنگیەكی ئەو تۆی پێنادرێت ،بۆیە پێمان وایە زیندو ڕاگرتنی ئەم بۆنانە ئەركێكی ئاینی ئێمەی زانایانە .
ڕاشیگەیاند : ئاهەنگەكە كۆمەڵێك زانای هەڵەبجەی پایتەختی ئاشتی سەرپەرشتی دەكەن لە ژێر دروشمی ( شارێك بۆ هەموان و نورێك بۆ مرۆڤایەتی )دایە و لە ڕۆژی دوو شەممە بەرواری 10یتشرینی یەكەم كە دەكاتە 9ی موحەرمی ساڵی 1438ی كۆچی لە باخی گشتی هەڵەبجە لە كات ژمێر 3:30خولەكی پاش نیوەڕۆ ساز دەكرێت كە چەند وتار و پەخشان و سروودی تێدا پێشكەش دەكرێت كە شایستەی ئەو یادە مەزنەبێت .
أ.س