كەركوك... گردبونەوە و خۆپیشاندانی مامۆستایان دەستی پێكرد

09/10/2016 - 09:04 بڵاوکراوەتەوە لە هەواڵ/كوردستانی

ئەمڕۆ یەك شەممە گردبونەوە و خۆپیشاندانی بەشێك لە مامۆستایانی ناڕازی كەركوك دەستی پی كردو داوا دەكەن حكومەت بە زوترین كات بێت بە دەنگ داواكارییەكانیانەوە.

سەرلەبەیانی ئەمڕۆ یەك شەممە نۆی تشرینی یەكەمی ساڵی 2016 بەشێك لە مامۆستایانی ناڕازی كەركوك بە مەبەستی داواكردین مافە ڕەواكانیان ڕژانە سەرشەقامەكان و داوا لە حكومەت دەكەن بە زوترین كات بێن بە دەنگ مامۆستایانەوە و كۆتای بە سیستمی نوێی موچە بهێنێت و لە كاتی خۆیدا موچەكانیان دابین بكات.

مامۆستایانی ناڕازی كەركوك لە گردبونەوەكەدا داوادەكەن كەوا موچەكانیان لە هەرێمەوە بگوازرێتەوە بۆ حكومەتی بەغدا ، وەكو خۆیان دەڵێت لە ئێستادا موچەی بەغدا باشترە لە هەرێم.

جێگای ئاماژە بۆ كردنە مامۆستایانی بەشێك لە ناوچەكانی هەرێمی كوردستان بڕیریانداوە هەمو ڕۆژانێكی یەك شەممان گردبونەوەی ناڕەزای ئەنجام بدەن و لە گەڵ ئەوەشدا بەردەوام دەبن لە بایكۆت كردنی هۆڵاَەكانی خوێندن.

 

س ب