شەوی ڕابردوو كۆپتەرێكی نەناسراو تەقە لە ماڵی بەرپرسێكی ئاسایش لە تەقتەق دەكات

13/10/2016 - 11:43 بڵاوکراوەتەوە لە هەواڵ/كوردستانی

 

شەوی ڕابردوو لەناحیەی تەقتەقی سەر بەقەزای كۆیە لەسنوری پارێزگای ھەولێر، بە دوو كۆپتەری نەناسراو تەقە لە ماڵی بەرپرسی ئاسایشی تەق تەق دەكرێت.

 

بە گوێرەی ئەو زانیارییانەی كەدەست كوردیو كەوتوە شەوی ڕابردوو دوو كۆپتەری نەناسراو تەقە بە ئاسمانی تەقتەقدا دەكەن و پاشان تەقە لە باخی عەمید سەعدوڵڵا عەبدوڵڵا لێپرسراوی یاریدەدەرێتی یەكەی ئاسایشی تەقتەق دەكەن و تاوەكو ئێستاش نازانرێت ئەو كۆپتەرانە سەر بە كوێن و لە لایەن كێوە راسپێرداوون.



لەسەر تەقەكردنی كۆپتەر حاكم ڕەمك بەڕێوبەری ناحیەی تەقتەق پەیامێكی بلاوكردەوە كە تێیدا هاتووە:" لەسەر ڕووداوەكەی كاتژمێر (11:30) خولەكی ئەمشەو (12)ی (10)ی (2016) ڕایدەگەیێنێت وەك چۆن پێشتریش ئاماژەی پێكردبوو كەناكرێ و نابێت چیتـر ژیانی هاوڵاتیانی مەدەنی بكەوێتە مەترسیەوە ، بۆیە دڵنیایی هاوڵاتیان دەكەینەوە لەحاڵەتی دووبارەبوونەوەی ئەجۆرە حاڵەتانە هێزەكانی ناوخۆمان ئاگاداركردۆتەوە ڕەتفعلیان هەبێت و هێزەكانمان تەقە لەكۆپتەرەكان بكەنەوە پێویستیشی كرد بیانكەنە خوارەوە".

 

 

 


س ب