دوو هەمین ڤێستیڤاڵی هەنار لەپارێزگای هەڵەبجە كرایەوە

16/10/2016 - 10:07 بڵاوکراوەتەوە لە هەواڵ/كوردستانی

كوردیو ـ هەڵەبجە ـ حەیدەر حەمە صاڵح
بەهاوكاری وەزارەتی كشتوكاڵ و سەرچاوەكانی ئاو و بە چاودێری بەڕێوەبەرایەتی گشتی كشتوكاڵ هەڵەبجە ئەنجومەنی ڕێكخراوەكان سەرلەبەیانی ئەمڕۆ دوو هەمین ڤیستیڤاڵی هەنار كرایەوە كە تێیدا چەندین بەهەرمی خۆماڵی ناوچەكە نمایش كرا .
سەرلەبەیانی ئەمڕۆ 16/10/2016 بەئامادە بونی وەزیری كشتوكاڵ و سەرچاوەكانی ئاو و بەڕێوەبەرایەتی گشتی كشتوكاڵ هەڵەبجە و نوێنەری لایەنە سیاسیەكان و ژمارەیەكی بەرچاو لەجوتیاران و خاوەن پیشە دەستیەكان و هاوڵاتیانی شارەكە و دوو هەمین ڤیستیڤاڵی هەنار كرایەوە كە تێیدا چەندین بەهەرمی خۆماڵی ناوچەكە نمایش كرا .
ئەرسەلان عابید ئەندامی ئەنجومەنی ڕێكخراوەكانی هەڵەبجە و بەرپرسی سەنتەری گەشە پێدانی چالاكی لاوان لە لێدوانێكیدا بۆ كوردیو ڕایگەیاند : ئەمانەوێ‌ لە ڕێگەی ئەم ڤیستسڤاڵەوە پەیامێك بەدەسەڵات بدەین و بڵێن ئەگەر حكومەت هاوكار بێت ئەتوانین بەرهەمە خۆماڵیەكان گەشە پێبدەین و بەرهەمی دەستی جوتیاران و خەڵكی خۆمان ساغ كەینەوەو پێویستمان بە دەرەوە نەبێت .
ڕاشیگەیاند : مەبەستمانە لەڤیستیڤاڵەكەدا بەرهەمەكانمان بە دونیا بناسێنین و كڕیارانێك بهێنینە شارەكە تا بە نرخێكی گونجاو هەموو كەسێك دەستی بە بەرهەمەكانان بگات هاندانێكیش بێت بە جوتیارانی سنورەكەمان.
ئەنجومەنی ڕێكخراوەكانی هەڵەبجە پێك دێت لە نزیكەی (30) ڕێكخراوی كۆمەڵگەی مەدەنی بەچەندین بیر و بۆچوونی جیاوازەوە پێكەوە و ڕۆڵی بەرچاویان هەیەلە خزمەتكردن بە شارەكەیان.

أ.س