وێنە...قوتابیانی سلێمانی داوادەكەن بەپێدانی موچەی مامۆستایان قوفڵی دەرگای قوتابخانەكان بكرێتەوە

16/10/2016 - 12:32 بڵاوکراوەتەوە لە هەواڵ/كوردستانی

كوردیوـ سلێمانی ـ نیاز فاروق
ئەمڕۆ ژمارەیەك قوتابی قوتابخانەكانی ناوشاری سلێمانی هاوشانی مامۆستاكانیان لەبەردەم پەروەردەی سلێمانی بەشداری گردبونەوەكانیان كردوەهاوكات بەپیشاندانی تابلۆی قوفڵ وەك ئاماژەیەك بۆ داخستنی دەرگای قوتابخانەكان دەنگی خۆیان خستە پاڵ دەنگی مامۆستایانی ناڕازی.
یەكێك لە قوتابیان بەناوی ئایە بۆكوردیو وتی " داوا لە حكومەتی هەرێم دەكەم ئایندەی قوتابیان نادیدەوەرنەگریت و بەتەنگ داواكاریی مامۆستایانەوە بیت و چونكە ئێمەش مافی خۆمانە بەردەوام بین لە خوێندن"
قوتابیەكی دیكەش وتی" بەم تابلۆیانە دەمانەویت ئەو پەیامە بگەیەنین بە حكومەت تا بەلابردنی پاشەكەوتی موچەی مامۆستایان قوفڵی دەرگای قوتابخانەكان بكرێتەوە و خوێندنیش بگەرێتەوە دۆخی ئاسایی خۆی"
أ.س