لەهەولێر به‌ڕێوەبه‌رى سایلۆ دەستگیركرا

21/11/2016 - 18:43 بڵاوکراوەتەوە لە هەواڵ/كوردستانی

 

بەهۆی سکاڵایەک کە لەلایەن دەستەی نەزاهەی هەرێمی کوردستانەوە پێشکەش کراوە بەڕێوەبەری سایلۆی هەولێر دەستگیر دەكرێت .

سەرچاوەیەك ئەوەی ئاشكرا كردووە: “بەڕێوەبەری سایلۆی هەولێر چەند ڕۆژێکە دەستگیر کراوە و ڕەوانەی بەڕێوەبەرایەتیی گرتن و گواستنەوەی هەولێر کراوە”. سەرچاوەکە ئەوەشی ئاشکرا کرد، بەڕێوەبەری سایلۆی هەولێر بەتۆمەتی دیارنەمانی بڕێکی زۆر لە دانەوێڵە (گەنم و جۆ) و هەروەها بابەتی پەیوەندیدار بە بەبازاڕکردن (تەسویق) دەستگیر کراوە.

 سەرچاوەیەکیش لە پۆلیسی هەولێر بۆ باس نیوز ئەوەی خستۆتەڕوو: “ئەو دۆسیەیە لەسەر سکاڵای دەستەی دەستپاکیی هەرێمی کوردستانە و پەیوەندیی ڕاستەوخۆی بەوانەوە هەیە”.

جێی باسە دەستگیركردنی ئەو بەڕێوبەرە لەلایەن دامەزراوە ئیداری و ئەمنیەكانی هەولێرەوە باس نەكراوەو تا ئێستا ڕانەگەیەندراوە .

 

م-ع-ك