كۆبوونەوەی ئەنجومەنی وەزیران كۆتایی هات

22/11/2016 - 14:52 بڵاوکراوەتەوە لە هەواڵ/كوردستانی

 

كەمێك لەمەوبەر كۆبوونەوەی ئەنجومەنی وەزیران كۆتاییهات و لە كۆبونەوەكەدا چەندین تەوەرگفتۆگۆیان لەبارەیەوە كرا و دوایین راپۆرت لەسەر وردبینی بۆ پرۆسەی نەوت لەلایەن كۆمپانیای دیلۆت پێشكەش كرا.

ئەمڕۆ سێشەممە 22ی تشرینی دووەمی 2016، ئەنجومەنی وەزیرانی هەرێمی كوردستان كۆبۆوەی ئاسایی خۆی كرد و چەند تەوەرێك قسە و باسی لە بارەوە كرا.

نوری عوسمان سەرۆكی فەرمانگەی هەماهەنگی و بەدواچوون رایگەیاند: لە كۆبوونەوەكەدا راپۆرتی فەرمانگەی دارایی خوێندرایەوە و خشتەی موچەی مانگی نۆش ئامادەكراوە و خرایە روو.
سەرۆكی فەرمانگەی بەدواداچوون رونیشكردەوە كە بەردوامی دەدرێت بە دابەشكردنی موچەی مانگی نۆ، بەڵام باس لەوە نەكراوە كە وەزارەتی پەروەردە كەی دابەش دەكرێت یاخود ریزبەندی وەزارەتەكان چۆنە.

لەلایەكی تریشەوە پەخشان زەنگەنە سەرۆكی ئەنجومەنی كاروباری خانمان بە دوارۆژی رایگەیاند: لە سەرەتای كۆبوونەوەكە راپۆرتێكمان خوێندەوە كە لە ساڵی 2013وە كاری لەسەر دەكەین، بۆ ئەوەی رەوشی ژنان لە كوردستان بەرەو پێشتر ببنەن كە بۆ ماوەی 10 ساڵە كاری لەسەر دەكرێت.

لەلایەن خۆشیەوە نەورۆز مەولود وەزیری شارەوانی و گەشتوگوزار رایگەیاند: وەك وەزارەتی شارەوانی راپۆرتێكمان خوێندەوە سەبارەت بە مامەڵەكردنی شارەوانی لەگەڵ ئەم قەیرانە داراییەی رووی لە هەرێمی كورستان كوردووە.
وەزیری شاروانی باسی لە زیادكردنی باج و رسومات كرد بەوەی ئەوان كاریان لەسەر ئەوە كردووە باج لەسەر ئەو كەسانە زیادكراوە كە بازرگانن و راستەوخۆ سوودمەندبوون لە خزمەتگوزارییەكان، هەوڵی ئێمە ئەوەیە كە خەڵكی ئاسایی لەسەر زیاد نەكرێت.
وەزیری شارەوانی رونیشكردەوە كە بە داتا و ژمارە باسی ئەوەمانكرد كە خەرجی وەزارەتی شارەوانی كەمكرایەوەو بە شێكی زۆر فەرمانگە و بەرێوەبەرایەتی تێكەڵكراون لە پێناو كەمكردنەوەی خەرجی.
لە كۆتایی كۆببونەوەكەشدا دواین راپۆرت بۆ وردبینی پرۆسەی نەوت لەلاین كۆمپانیای دیلۆت خوێندراوەتەوە.

 

ش.م