هەولێر ... کرێکارێک لە کاتی کارکردن گیان لەدەست دەدات

22/11/2016 - 15:57 بڵاوکراوەتەوە لە هەواڵ/كوردستانی

 

كوردیو - هەولێر

ژیانی كرێكارانی هەرێمی كوردستان بەهۆی مەترسی پیشەكانیانەوە بەردەوام لە مەترسیدایەو كرێكارێكیش لەشاری هەولێر لەكاتی كارەكەیدا گیان لەدەست دەدات .

پۆلیسی هەولێر ئاشكرای دەكات كە کاتژمێر (٦:٣٠) ی ئێوارەی رۆژی ٢١/١١/٢٠١٦ ، ئاگادارکراونەتەوە بە بوونی ڕووداوێکی مردن لە گەڕەكی قەتەوی سەر بەشاری هەولێر، دوای گەیشتنیان بۆ شوێنی ڕووداو دەرکەوت کەوا کرێکارێکی بە ڕەگەز ئێرانی بە ناوی (محمود مورتەزا علی زادە) لە کاتی بەستانی جەمەلۆن لە باڵەخانەیەک پێی دەخلیسکێت و دەکەوێتە خوارەوە، لە ئاکامدا بەداخەوە، ناوبراو لە شوێنی ڕووداو گیان لەدەست دەدات . 

ئاماژە بەوەش كراوە: دادوەر بڕیاری دا بە وەرگرتنی ووتەی شاهێدی ڕووداو ووتەی داواکاری مافی کەسی مردوو .

جێی باسەساڵانە لەهەرێمی كوردستان چەندین كرێكار لە كاتی كاركردنیان و بەهۆی مەترسی پیشەكانیانەوە گیان لەدەست دەدەن