سلێمانی ...كەمپینی كۆكردنەوەی هاوكاری بۆ منداڵانی بێسەرپەرشت و بەساڵاچوان ڕادەگەیەنرێت

30/11/2016 - 17:39 بڵاوکراوەتەوە لە هەواڵ/كوردستانی


كوردیو ـ سلێمانی ـ یانی یادگار
بەرێوبەرایەتی گشتی چاودێری و گەشە پێدانی كۆمەڵایەتی سلێمانی كەمپێنێكی كۆكردنەوەی كۆمەك و هاوكاری بۆ منداڵانی بێسەرپەرشت و بەساڵاچوان ڕادەگەیەنێت و داوا لە خیچرخوازان دەكات هاوكاریان بكەن .
عمر گوڵپی بەرێوبەری گشتی چاودێری و گەشە پێدانی كۆمەلایەتی سلێمانی بە كوردیوی ڕاگەیاند"كەمپینی كۆكردنەوەی كۆمەك و هاوكاری بۆ پشتیوانی لە صندوقی چاودێری كۆمەلایەتی بە ئامانجی خزمەتكردنی منداڵانی بێسەرپەرشت و بەسالاچوان و دامەزراوە كۆمەلایەتیەكانە بەهۆی خراپی باری دارایی دۆخی ئیستاوە ".
وتیشی"لە ئیستادا 45 بەسالاچوو لە خانەكانمان هەیە لەگەڵ 24 منداڵ لە خانەی كچان و كۆرانی سلێمانی كە تەواوی خەرجیەكانیان لەئەستۆی ئێمەیە".
بەرێوبەری گشتی چاودێری و گەشە پێدانی كۆمەلایەتی سلێمانی ئاماژەی بۆ ئەوەشكرد ئەو پارە لە خێرخوازان وەردەگیرێت دەچێتە صندۆقێكەوە و دواتر خەرج دەكرێت لە رێگەی لیژنەوە.

أ.س