سەردار قادر داوای ئازاد كردنی مامۆستا دەستگیركراوەكان دەكات

01/12/2016 - 13:40 بڵاوکراوەتەوە لە هەواڵ/كوردستانی

كوردیوـ سلێمانی
دوای ئەوەی ئەمڕۆ  ژمارەی مامۆستا لەلایەن هیزە ئەمنیەكانەوە دەستگیركران لە ئێستادا جێگری پاریزگاری سلێمانی داوای ئازاد كردنی ئەو مامۆستایانە دەكاتو ئاماژەش بەوە دەكات ئەگەر دەستگیركراوەكان ئازاد نەكرین ئەوا هەڵوێستی تری دەبێت.

لەبانگەوازێكدا سەردار قادر جێگری پاریزگاری سلێمانی ئاماژەی بەوەداوە ، وەك سەرۆكی لیژنەی ئەمنی پارێزگاری سلێمانی داوای كۆبوونەوەی بەپەلەی لیژنەی ئەمنی پارێزگای سلێمانی دەكەین و داوا لە هاوڵاتیان و خۆپیشاندەران و هێزە ئەمنیەكانیش دەكەین كە هێمنی و ئاساییشی پارێزگای سلێمانی و ژیانی ئاسایی شاری سلێمانی بپارێزن.

جێگری پارێزگاری سلێمانی لە كۆتایی بانگەوازەكەیدا ڕایگەیاندووە، داوا لە لایەنە ئەمنیەكان دەكەین بەپەلە سەرجەم دەستگیركراوانی ئەمڕۆ ئازاد بكەن، بۆ ئەو مەبەستەش لەپەیوەندی بەردەوام داین بۆ ئازادكردنی تەواوی دەستگیركراوان، بە پێچەوانەوە ئەگەر ئازادنەكرێن هەڵویستی ترمان دەبێت.

ئەمڕۆ هێزە ئەمنیەكانی لە سلێمانی چونەتە سەر ماڵی چەند مامۆستایەكی ناڕازی و حەوت ئەندامی ئەنجومەنی مامۆستایانی ناڕازییان دەستگیركردووە و هێزێكی ئەمنی زۆریش لەبەردەم پەروەردەی سلیمانی بڵاوەی پێكراوە و ڕێگری لە گردبوونەوە و خۆپیشاندانی مامۆستایان دەكەن.

أ.س