سلێمانی ...تا ئێستا حەوت ئەندامی ئەنجومەنی مامۆستایانی ناڕازی دەستگیركراون

01/12/2016 - 13:57 بڵاوکراوەتەوە لە هەواڵ/كوردستانی


كوردیوـ سلێمانی
دوای ئەوەی ئەنجومەنی مامۆستایانی ناڕازی رایگەیاند كە رۆژی پینج شەممە خۆپیشاندانیكی بەرفروان ئەنجامددەن دژی سییستمی پاشەكەوتی موچە و ژمارەیك خۆپیشاندەریش لەبەردەم پەروەردەی رۆژئاوای سلێمانی گردبونەوە لەلایەن هیزە ئەمنیەكانەوە بڵاوەیان پیكراو حەوت ئەندامی ئەنجومەنی مامۆستایانی نارازی دەستگیركران.

بەپیی زانیارییەكانی كوردیو ئەمڕۆ هێزە ئەمنیەكانی لە سلێمانی چونەتە سەر ماڵی چەند مامۆستایەكی ناڕازی و حەوت ئەندامی ئەنجومەنی مامۆستایانی ناڕازییان دەستگیركردووە.
لەلایەكیترەوە هەر ئەمڕۆ هێزێكی ئەمنی زۆریش لەبەردەم پەروەردەی سلیمانی بڵاوەی پێكراوە و ڕێگری لە گردبوونەوە و خۆپیشاندانی مامۆستایانكردوە بە گازی فرمێسك رێژ بڵاوە بە مامۆستایان كردوە .

لەلایەكی تریشەوە دوێنێ چوارشەممە بەرێوەبەرو یاریدەدەرەكانی قوتابخانەكانی سلێمانی لەمەڵبەنی یەكی رێكخستنی سلێمانی یەكیتی كۆبونەوەیەكیان ئەنجامداو داوایان لێكرا كە دەست بە دەوام بكەنەوە.

جێگەی ئاماژەیە ئەمە لەكاتیكدالیە دوێنێ بەرێوەبەرایەتی پەروەردەی گشتی سلێمانی دەست پێكردنەوەی دەوامی قوتابخانەكانی رایگەیاند و لەلایەن بەرێوەبەرەكانیشەوە كۆبونەوە بە مامۆستایانی قوتابخانەكان كراو داوایان لیكرا كە بایكۆت بشكێن و بگەرینەوە بۆ دەوام.
أ.س