یەكێتی پیاوان ئاماری تووندوتیژییەكانی سەر پیاوانی بڵاوكردەوە

06/01/2017 - 16:31 بڵاوکراوەتەوە لە هەواڵ/كوردستانی

 

 

بەپێی ئامارێكی یەكێتی پیاوانی كوردستان، ساڵی رابردووی (2016) ڕێژەی پێشێلكارییەكان لەبەرامبەر پیاوان لەچاو ساڵی (2015) بەرز بوونەوەی تۆماركردووە.

یەكێتی پیاوانی كوردستان ئامارێكی بڵاوكردۆتەوەو تێیدا باسی لەوەكردووە، لەساڵی رابردوو (8) پیاو لەسەر دەستی هاوسەرەكانیان و بەپشتیوانی كەسانی تر كوژراون و (231) پیاو لە منداڵەكانیان بێ‌ بەشكراون دوای تەڵاق و (182) حاڵەتی دەست تێوەردان لەكاروباری ناوخۆی خێزان تۆماركراوەو (56) حاڵەتی خەیانەتی هاوسەری تۆماركراوەو (48) رووداوی فشاری دەروونی و (36) حاڵەتی دەركردنی پیاوان لەماڵەكانیان و (17) حاڵەتی دەستگرتن بەسەر سەروەت و سامانەكەیی و (13) حاڵەتی لێدانیش تۆماركراوە.

(بورهان عەلی) سكرتێری یەكێتی پیاوانی كوردستان رایگەیاندووە، بەشێوەیەكی گشتی لەساڵی (2015) ژمارەی كەیسەكانیان (526) حاڵەت بووە، بەڵام لەساڵی رابردووی (2016) گەیشتۆتە (583) حاڵەت.

ناوبراو باسیشی لەوەكردووە، دۆخی سەختی ئابووری كاریگەری تەواوی بەسەر ئەو ڕووداوانەوە هەیە، هەندێك لە پیاوانیش لەژێر فشاری خێزانەكانیان ناچاری خۆكوشتن بوونە.

 

ئـ . كـ