پارتی: هەڵەبجەییەكان گلەییان لەدەسەڵاتی شارەكەیە

05/02/2017 - 19:50 بڵاوکراوەتەوە لە هەواڵ/كوردستانی


ماڵپەڕی فەرمی پارتی بڵاویكردەوە كە لە دووەمین ساڵیادی بە پارێزگابوونی شارەكەیاندا، هەڵەبجەییەكان گلەییان لە بەرپرسانی ئیدارەی شارەكەیان هەیە بەهۆی كەمتەرخەمیان و بەرپرسی لقی 12ی پارتیش دەڵێت حيزبەكانی دەسەڵات بە كەمتەرخەم دەزانین.

فازڵ بەشارەتی بەرپرسی لقی 12ـی پارتی، بە ماڵپەڕی فەرمیی پارتی وتوە "ئێمە وەك پارتی سەد لە سەد پشتگیریی داواكاریی هاووڵاتیان دەكەین و لەسەر حەقن، بۆیە نەدەبوو كۆمەڵێك لایەن یاری بە چارەنووسی ئەم شارە بكەن".

ئاماژەی بەوەش كردووە :"دۆخی ئێستای هەڵەبجە هۆكارەكەی داواكاریی حزبیی كۆمەڵێك لایەنە كە بەداخەوە دەبوو لە ئێستادا ئەنجوومەنی پارێزگا و سەرجەم بەڕێوەبەرایەتییەكان بەرپرسیان بۆ دابندرایە نەك هەرچی پۆستی ئەم پارێزگایە هەیە بە وەكالەت بەڕێوە ببرێت، كە ئەمەیش گەورەترین زیانی لە بووژانەوەی هەڵەبجە داوە".