سه‌روكێ لژنه‌یا وزێ ل جڤاتا پارێزگه‌ها سلێمانیێ: حكومه‌ت گازا سپى دفروشیت و نادەته‌ وه‌لاتیێن خۆ

05/02/2017 - 21:04 بڵاوکراوەتەوە لە هەواڵ/كوردستانی


لیژنەیا پشەسازیی و وزێ ل ئەنجومەنێ پارێزگه‌ها سلێمانیێ ل سەر نەفتا سپی سکاڵه‌یه‌كا یاسایی ل سەر وان کەسا تۆمار دکەت کو ژبه‌رى نوكه‌ ئاگاداری دروستکرنا کارتا دابەشکرنا نەفتا ماڵان بوین، ل پارێزگه‌ها سلێمانیێ ڕادگه‌هینت ژى ، كو دێ بەردەوام بن ل سەر دژایەتى كردنا هەر كاره‌كێ نه‌ یاسایى .

د کۆنگرەیەکێ رۆژنامەڤانیدا ل سپێده‌هیا ئەڤڕۆ ئێك شه‌مبێ 5-2-2017 ، غالب محەمەد سەرۆکێ لژنەیا وزێ لەئەنجومەنێ پارێزگه‌ها سلێمانیێ راگەهاند: حکومەتا ھەرێما کوردستانێ نەفتا سپی ژ پاڵاوگەهێن ھەرێمێ دفروشیتە بازرگانان و بڤێ رێكێ ژى، دبازاراندا بەشێوەیه‌كێ ئاشكه‌را بازرگانی پێ دهێته‌ كرن، و بوهایێ ھەر بەرمیله‌کێ ژى، د بازاڕى دا ب ١٤٥ھەزار دینارایه‌، تەماما داھاتیێ نەفتا دهێته‌ فروتن ل پاڵاوگەهێن ھەرێمێ ژى، رەوانەی بانقا کوردستانێ دهێته‌ كرن، و چ کەس نزانیت چ لێ دهێت.

ئەوژى دیاركر، کو ئه‌وان دیڤداچوونه‌كا تەمام بۆ ئەوێ کارتێ ژى كرینه‌، کو هاتینه‌ دان بۆ وه‌لاتیان، بۆ وەرگرتنا نەفتا سپی، “تەندەر ژى ژبۆ نه‌هاتیه‌ كرن، بڕیارا دروستکرنا کارتێ ژى تانوكه‌ نه‌هاتیه‌ راگرتن.

سه‌روكێ لژنه‌یا وزێ ل جاڤاتا پارێزگه‌ها سلێمانیێ گوت ژى ، ل سنورێ پارێزگه‌ها سلێمانیێ بتنێ ٤٩٠ ھزار ماڵ یێن هه‌ین، ئەگەر ژ ھەر ماڵه‌کێ ١٠ ھزار دینارا، ژێ وه‌ربگرن،ئه‌ڤه‌ دێ گه‌هته‌ نێزیکی ٦ ملیۆن دۆلارا، ژبه‌ر هندێ ئەو کارتە بتنێ بۆ دیتنا کارى یه‌ بۆ کۆمپانیان .


جهێ ئاماژێ یه‌ دووماهى هه‌یڤ ژ وه‌رزێ زڤستانێ مایه‌ كو شوباته‌ ، به‌لێ بۆ زڤستانا ئه‌ف ساله‌ حكومه‌تا هه‌ریمێ نه‌شیا یه‌ك لێترا گازا سپى بۆ وه‌لاتیان دابین بكەت ، به‌لێ ل پانزینخانا و بازارێن ره‌ش گازا سپى ژ هه‌ر جوره‌كێ دیتر یێ سوته‌مه‌نیا زورتر بوو ، به‌لێ ب بوهایه‌كێ گران كو ژ 600 دینارا نه‌هات خوارێ بوهایێ هه‌ر لێتره‌كێ ،و كاره‌با نیشتیمانى ژى گه‌هشتبوو نزمترین ئاست كو كێمتر ژ 10 ده‌مژمێرا د شه‌ڤ و روژێن زڤستانێ دا دهات، سه‌ره‌رایى باشتربوونا خه‌رجیێن حكومه‌تێ و سڤكبوونا بارێ وێ كو باجه‌كا زور ئێخسته‌ سه‌ر هه‌مى كاروبارێن وه‌لاتیان ل دام و ده‌زگه‌هان و بوهایێ نه‌فتێ ژى ب بلندى ما د شه‌ش هه‌یڤێن ده‌ربازبوى دا.