عەدالەت عەبدوڵا: ترس لە ڕەخنە، ئەخلاقێكی فاشیانەیە

11/02/2017 - 10:51 بڵاوکراوەتەوە لە هەواڵ/كوردستانی

 


توڕەبوون و كاردانەوەكانی هەندێك لە لایەنگرانی بزوتنەوەی گۆڕان لە ئاكامی ڕەخنەگرتن لە ئەزموونی سەرۆكی پەرلەمان، بووەتە جێگەی ڕەخنەى ڕۆشنبیران و چاودێرانی سیاسی و پێیان وایە ئەگەر لایەنێك پێی وابیَت نابێت رەخنە بگیرێت ئەوا باوەڕی بە حیزبی قاعید هەیە و ئەخلاقێكی فاشیانەیە.


عەدالەت عەبدوڵا لە لاپەڕەی تایبەتی خۆی لە تۆڕی فەیس بوك لە ژێر ناونیشانی (رێزگرتن لە جیاوازی، گرنگە..) نوسیویەتی" لە چەند كۆڕو كۆبوونەوەیەكداو لە نزیكەوە لەگەڵ م.سەڵاحەدین بەهائەدین-دا دانیشتووم، بۆ جارێكیش هەستم نەكردووە لایەنگیری پارتی بێ لەدژی یەكێتی، یان گۆڕان و هێزی تر، هەرواش بە پێچەوانەوە، بۆیە ئەو هەڵمەتە لەسەر ئەو بەڕێزە كارێكی بێ مانایە، من خۆم لە دیدارەكەی سلێمانی-یشدا بەشداربووم، زۆر بە ڕێزەوە قسەی لەسەر سەرۆكی پەرلەمان كردو تێبینی خۆیشی لەسەر دەربڕی، ئەمەش مافی سروشتی خۆیەتی، وەكچۆن رەخنەی ئاشكرایشی لەپارتی و یەكێتی هەبوو و تەنانەت لە ئەدای حزبەكەی خۆیشی".


عەدالەت عەبدوڵا دەشڵێت" ، ئەمەش مافی سروشتی خۆیەتی، وەكچۆن رەخنەی ئاشكرایشی لەپارتی و یەكێتی هەبوو و تەنانەت لە ئەدای حزبەكەی خۆیشی، هەر لەبەر ئەوە، باشتر وایە رێز لە جیاوازیی سیاسیی بگیرێت. ئەخلاقێكی فاشییانەیە داوا بكەیت ئەوانیتر، كتومت، وەك تۆ بیر بكەنەوەو سیاسەت بكەن، ئەگەر چاوەڕوانییەكی واشت هەبێ، ئەبێ داوای هەڵوەشاندنەوەیان بكەیت و هەمووان لە حزبێكی قائیددا كۆبكەیتەوە..!"

 

A