‌دوو كۆڵبەری رۆژهەڵاتی كوردستان كوژران

13/02/2017 - 14:50 بڵاوکراوەتەوە لە هەواڵ/كوردستانی

 

ماڵپەڕێكی رۆژهەڵاتی كوردستان بڵاویكردەوە شەوی رابردوو دوو كۆڵبەر لە سنووری سەڵماسی بە تەقەی راستەوخۆی ھێزە سنوور پارێزەكانی ئێران كوژران.

ماڵپەڕی ھەنگاو بڵاویكردەوە، ئێوارەی دوێنێ یەكشەممە 12ی شوباتی 2017، لەسەر سنووری سەڵماس تەقە لە كۆڵبەران كرا و بەو ھۆیەوە دوو کۆڵبەر كوژران و یەكێكیتریش بریندار بووە.

ماڵپەرەكە ئاشكرایكردووە، كوژراوان ناویان داریوش پاشایی و خەسرەو كازمییە و دانیشتووی گوندی خورخوڕەی سەر بە شاری سەڵماسی رۆژھەڵاتی كوردستانن.

ش.م