یەك هەفتە مۆڵەت دەدرێتە ئەم هاوڵاتیانەی ناویان تۆماركردووە بۆ حەج

13/02/2017 - 15:25 بڵاوکراوەتەوە لە هەواڵ/كوردستانی

 

كوردیو - محمد عمر كانی

رۆژی رابردوو وەزارەتی ئەوقاف ناوی 86 هەزار و 418 هاوڵاتی بڵاوكردەوە كە ناویان تۆمار كردووە بە مەبەستی بەجێگەیاندنی فەریزەی حەج و ئەو هاوڵاتیانەیشی كە فۆڕمی پڕكردنەوەی فەریزەی حەجیان پڕكردۆتەوەو ناوەكانیان لەڕاگەیەندراوەكەی وەزارەتی ئەوقاف نیە ، پێویستە لەماوەی یەك هەفتەدا پسوڵەی تەسلیمكردنی پارەی فۆرمەكەی بباتە ئەو شوێنەی كەفۆرمەكەی لێ تەسلیم كردوە .

بەڕێوبەرێكی وەزارەتی ئەوقاف بۆ كوردیو ڕایدەگەیەنێت: بۆ هەر بەڕێزێك لەو بەڕێزانەی فۆرمی سەفەری حەجیان پڕكردۆتەوە و لەو ناوانەی بڵاوكراونەتەوە ناوی نیە"دەتوانێ لەماوەی هەفتەیەكدا پسوڵەی تەسلیمكردنی پارەی فۆرمەكەی بباتە ئەو شوێنەی كەفۆرمەكەی لێ تەسلیم كردوە" .

مەریوان نەقشبەندی، بەڕێوبەری پەیوەندیە ئایینیەكان لەوەزارەتی ئەوقاف ئەوەش دەخاتەڕوو: هیچ كەس مافی نافەوتێت و ناویان داخڵ دەكرێت ئەگەر فۆرمی پركردبێتەوە و پسوڵەی هەبێت"هەریەك لەسنوری خۆی موراجەعە بكات تكایە ئەگەر ناویان لەلیستی ئەو ناوانە نیە .

م-ع-ك