ڕێككەوتنێكی نوێ كرا بەمەبەستی چارەسەكردنی قوربانیانی چەكی كیمیاوی

01/03/2017 - 10:42 بڵاوکراوەتەوە لە هەواڵ/كوردستانی

 

كوردیو - هەولێر


ئەمڕۆ چوار شەممە ڕێكەوتنێك لەنێوان وەزارەتی شەهیدان و ئەنفالكراون و وەزارەتی تەندروستی حكومەتی هەرێمی كوردستاندا بۆهاوكاریكردنی بەركەوتوانی چەكی كیمیایی و كەس و كاری شەهیدان واژۆكرا.



سەرلەبەیانی ئەمڕۆ چوار شەممە بەئامادەبونی وەزیرانی تەندروستی و شەهیدانی حكومەتی هەرێمی كوردستان ڕێككەوتنێك لەنێوانیان واژۆ كرا بەمەبەستی هاوكاریكردنی بەركەوتوانی چەكی كیمیاوی و نەخۆشە پلە یەكەكانی كەسوكاری شەهیدان و ئەنفالكراون و زیندانیانی سیاسی كەنەخۆشن و لەهەرێمی كوردستان چارەسەریان نیە بۆ ئەو حاڵەتانە وەزارەتی تەندروستی نوسراو ئاراستەی ئەنجومەنی وەزیران دەكات بۆ ناردنیان بۆ دەرەەی وەلات و وەرگرتنی چارەسەری پێویست بۆیان.

 

لەو بارەیەوە د.ڕێكەوت حەمە ڕەشید وەزیری تەندروستی حكومەتی هەرێمی كوردستان ڕایگەیاند: هەوڵ دەدرێت بەزوترین كات نەخۆشخانەی چارەسەری بەركەوتوانی چەكی كیمیاوی لەهەڵەبجە بكرێتەوە و بۆ ئەو مەبەستە داوای پزیشكی شارەزای ئێرانی كراوە بۆ نەخۆشخانەكە.


لەڕێككەوتنەكەی وەزارەتی تەندروستی و وەزارەتی شەهیدان و ئەنفالكراوندا هاتووە: هەمو ئەو بەركەوتوانە دەپشكندرێت كە تۆمار كراوون یان داوای تۆمار كردن دەكەن لە وەزارەتی كاروباری شەهیدان و ئەنفالكراون و دواتر وەزیری تەندروستی داوا لە ئەنجومەنی وەزیران دەكات بودجەی پێویستیان بۆخەرج بكرێت و ڕەوانەی دەوەری وڵات بكرێت بەمەبەستی وەرگرتنی چارەسەری پێویست بۆیان.

 

 

 

س ب