ئەمینداری گشتی یەكگرتوو بۆ زانایان: مێژووی ئەم میللەتە لە حوجرەو مینبەرەوە دەست پێدەكات

دوو شەممە, 20 ئازار 2017 21:28

 

ئێوارەی رۆژی یه‌كشه‌ممه‌ 19/3/2017 مامۆستا سه‌لاحه‌دین محه‌ممه‌د، ئه‌مینداری گشتی یه‌كگرتووی ئیسلامی كوردستان به‌یاوه‌ری شاندێكی سه‌ركردایه‌تی و ئه‌نجومه‌نی جێبه‌جێكردن و راوێژكار و به‌رپرس و كارگێری مه‌ڵبه‌نی دوانزه‌ سەردانی لقی شەقڵاوەی یەكێتی زانایانی ئایینی ئیسلامی كوردستانی كرد و لەگەڵ بەرپرس و زانانیان كۆبویەوە.

ئەمینداری گشتی یەکگرتوو لە ووتەیەكدا رایگەیاند: زانایانی كوردەواری خزمەتی گەورەیان كردووە بۆ ئەم میللەتە بەڵام ئەوەش عەیبەیەكی ترە كە سیاسیەكانی كوردستان كەمتەر ئەو قەدرە دەزانن و كە مێژووی ئەم میللەتە لە حوجرەو مینبەرەوە دەست پێدەكات و ئەوەش بەخۆراگری و سەبرو ئارامی چارەسەر دەكرێت بەهاوسەنگەری لەگەڵ هەموو ئەهلی و خێرو چاكەكان چارەسەر دەكرێت.

هەروەها بەرپرسی لقی شەقڵاوەی یەكێتی زانایانی ئایینی ئیسلامی كوردستانیش سوپاسی ئەمینداری گشتی یەكگرتوو دەكات بۆ سەردانی كردنیان و دەڵێت ئەوە بۆ دووەم جارە جەنابی مامۆستا گەورەیی دەنوێنێت و تەشریف دێنێ بۆ لقی زانایان ئەوەش خۆشەویستیە بۆ ئێمە.

م-ع-ك