بەهای بەرزترین و نزمترین رووبەری شوقە و خانوو وزەوی لە شاری هەولێر بڵاودەكرێتەوە

سێ شەممە, 18 نیسان 2017 15:05

 

مانگی ڕابردوو بەهای زەوی و خانوو و شوقە لە هەولێر بەرزبووەتەوەو بەهای زەوی كشتوكاڵیش لەدەوڕووبەری هەولێر ڕووبەڕووی دابەزێنێكی مەترسیدار دەبێتەوە .

بەهای بەرزترین ونزمترین رووبەری شوقە و خانوو وزەوی شوێنەبازرگانییەكان لە شاری هەولێربڵاودەكرێتەوە، بەهای خانوو و شوقە و زەوی لەمانگی ئازاری-٢٠١٧ بەراورد بەهەمان مانگی ئازاری 2016 بەرزبوونەوەی بەخۆییەوە بینیوە، بەڵام زەوی شوێنە بازرگانییەكان و كشتوكاڵییەكان ڕووبەرووی دابەزین بووەتەوە.

بەپێی نێوەڕۆكی بەشێك لەراپۆرتی مانگانەی كۆمپانیای عقارات حاجی سەلام بۆ بازرگانی و راوێژكاری خانووبەرە، كەتایبەتەبە تێكڕای نرخی (زەوی، خانووی نیشتەجێبوون، شوقە (ئاپارتمان)، زەوی كشتوكاڵی، زەوی بازرگانی) لە مانگی 3-2016 بەرامبەر بە مانگی ٣-٢٠١٧ لە شاری هەولێر و دەوروبەری  .

بەپێی ناوەرۆكی ڕاپۆرتەكەی كۆمپانیای حاجی سەلام، بەهای شوقە و خانوو و زەوی لەمانگی ڕابردوو بەرزبووەتەوە بەراورد بەمانگی ئازار لە ساڵی ڕابردوو 3-٢٠١٦، بەڵام بەهای شوێنە بازرگانییەكان و زەوییە كشتوكاڵییەكان دابەزینی بەخۆییەوە بینیوە.

راپۆرتەكە وردەكاری جووڵەو بەهای فرۆشتن و لە19 پڕۆژەو و گەڕەك و زەوی 4 گەڕەكی جیاواز و نرخی 11 شەقامی بازرگانی و زەوی كشتوكاڵی لە پێنج ڕیگای سەرەكی هەولێری بەداتا و زانیاری ورد تێدا شیكراوەتەوە،ئەویش دوای وەرگرتنی بەهای نزمترین وبەرزترین نرخ وئاستی گۆرانكارییەكان.

شوقەو خانوو و زەوی بەرزبووەتەوە:
بەشی تایبەت بەو پڕۆژەو گەڕەكانەی كە شووقەی تییدایە ئاماژە بەهەریەك لە(گوندی لوبنانی، پارك ڤیو، پلاص لایف، ڕویاڵ ستی، شاهان ستی، MRF) كراوە، كە تییدا لەڕووبەری ( 56 ) مەتر دووجا تاوەكو ( ٣١٠ ) مەتر دووجا بەرزترین نرخ و نزمترین نرخ لەماوەی مانگی ٣-٢٠١٧ بەراورد بەهەمان مانگ ٣-٢٠١٦ كراوە و تیدا هاتووە ئاستی بەرزبوونەوە لە مانگی ئازار بڕیتی بووە لە %1 یەك لەسەد لە وەرگرتنی كۆی گشتی بەرزترین و نزمترین نرخ.

سەبارەت بەئاست و جۆری جوڵە و گۆرانكاری لە جۆری فرۆشتن لە ڕووبەرە جیاوازەكانی خانوو لە پڕۆژەو گەڕەكەكانی هەریەك لە(گوندی ئینگلیزی، گوندی منارە، ئاڵتۆن ستی، ئاشتی ستی 1، دریم ستی، شاری ئیتالی1، 32پارك، فەرمانبەران، هیواستی، زین ستی، شاری ئیتالی2، گەنجان ستی) ئاماژە بەوە كراوە، ئاستی بەرزبوونەوە بەپێچەوانەی شووقە زیاتر بەرزبوونەوەی بەخۆییەوە بینیوە كە گەیشتوەتە %3 لەتێكرای وەرگیراوی بەرزترین و نزمترین بەها لە گەڕەكە ئاماژەپێكراوەكان.

سەبارەت بەڕووبەری وەرگیراوی زەوی بەتاڵی نیشتەجێ بوون ئاماژە بەهەریەك لە( 32ی پارك، دریم ستی، 284، 8ی حەسارۆك كراوە) كە لە زۆرێنەیان گۆرانكاری ئەرێنی بەئاراستەی بەرزبوونەوە ڕوویداوە، بەپێچەوانەوەی شووقە و خانوو زیاتر بەرزبوونەوە ڕوویداوە و گەیشتوەتە %7 لە سەدا حەوت كە ئەمە ئاماژەیە كە جوڵەی بازار لە فرۆشتنی زەوی زیاتر ڕوویداوە تاوەكو خانوو و شوقە لەماوەی ساڵی ڕابردوو.

هۆكارەكانی بەرزبوونەوەی خانوو و زەوی و شوقە

حاجی سەلام فەقی كەریم، بەرێوەبەری كۆمپانیای عقارات حاجی سەلام بۆ بازرگانی خانووبەرەوراوێژكاری راگەیاند:" هۆكاری جیاواز لە پشت بەرزبوونەوەی بەهای شووقە و خانوو لەگەڕەك و پرۆژەكانی هەولێر هەیە لەماوەی مانگی ئازار بەراورد بەمانگی ئازاری ساڵی ڕابردوو". گووتیشی دەتوانین بڵین هەریەك لەم هۆكارانە ڕۆلی لەبەرزبوونەوەی بەهای خانوو و زەوی و بەتایبەتی و شوقە بەشێوەیەكی گشتی هەبووە:

1. سەركەوتنی هێزەكانی پیشمەرگەی كوردستان لەڕووبەڕووبوونەوەی داعش و دورخستنەوەیان لەسنورەكانی كوردستان.
2. بەرزبوونەوەی نرخی نەوت لە 27 دۆلار لەسەرەتای ساڵی ڕابردو و گەیشتنی بە سەروو 54 دۆلار كە دوو ئەوەندەی ساڵی ڕابردوویە.
3. دانیشتن و گفتۆگۆی نێوان هێزە سیاسییەكانی كوردستان و هەنگاوەكانی پرۆسەی چاكسازی لەلایەن حكومەتی هەرێم و هەبوونی ئەمنیەتیەكی سەركەوتوو لەهەرێم.
4. پرۆسەی ئازادكردنەوەی موسڵ و دەستپێكردنەوەی ئاوەدانكردنەوەی موسڵ ڕوڵێكی گەورەی لە ئێستا و ئایندە بۆ كۆی پرۆسەی ئابووری هەرێم و كەرتی خانووبەرە بەتایبەتی هەیە.
5. بەهۆی دورخستنەوەی داعش و بەرزبوونەوەی نرخی نەوت ئابووری هەرێم سات بەسات گۆرانكاری ئەرێنی بەخۆییەوە دەبێنێت بۆیە گەڕانەوەی كۆمپانیا بیانییەكان كە پاشەكشەیان كردبوو دەستی پێكردووەتەوە.


زەوی كشتوكاڵی و بازرگانی بەهاكانیان دابەزیوە:
سەبارەت بە بەهای یەك مەتر دووجا لە هەریەك لە شەقامە سەرەكییەكانی بازرگانی (60 مەتری، 40مەتری، 30مەتری، 100مەتری، شەقامی شۆرش، شەقامی عەنكاوە، شەقامی مەخمور، شەقامی سێتاقان، شەقامی ئیسكان، شەقامی عەدالە، شەقامی هەڤاڵان) هاتووە، ئاستی گۆرانكارییەكان نەرێنی بووە و %3 دابەزین ڕوویداوە، بەڵام بەپێچەوانەوە لەڕووبەری زەوی كشتوكاڵی بۆ هەریەك دۆنم لە رێگا سەرەكییەكانی كەركوك و مەخمور و بەحركە و مەسیف و موصل دابەزین ڕوویداوە بە شێوەیەكی نەرێنی كە گەیشتوەتە %13 سیزدە لەسەد دابەزین.


هۆكاری دابەزینی بەهای زەوی بازرگانی و كشتوكاڵی:
حاجی سەلام فەقی كەریم، بەرێوەبەری كۆمپانیای عقارات حاجی سەلام بۆخانووبەرەوراوێژكاری رایگەیاند:" گۆرانكارییەكان لەبەهای زەوی بازرگانی بەشێوەیەكی ئەوتۆ نەبووە و كاریگەری قەیرانی دارایی بەكەمتر دەركەوتووە، بەڵام كاریگەری و دەرهاویشتە بارودۆخی ئابووری هەرێم لەسەر زەوی كشتوكاڵی دەركەوتووە، لەبەرچەند هۆكارێكی جیاواز".
پاشەكشیی بەهای دابەزینی زەوی كشتوكاڵی دەگەرێتەوە بۆ چەند هۆكارێك:

1. نرخی زەوی كشتوكاڵی لە قۆناغی ڕابردوو ڕووبەرووی حاڵەتێكی بەرزبونەوەی نائاسایی بووبوویەوە، بەهۆی زۆری خواست لەسەری و بەكارهێنانی لەدەرەوەی پیویستی لای بەشێك لە خاوەن سەرمایە و بازرگانییەكان وەك شوێنێك بۆ خۆشگوزەرانی، بەڵام لەگەڵ گۆرانی ئابووری هەرێم و كەمبوونەوەی پارە و قەیرانی دارایی ئێستا خواست لەسەر زەوی كشتوكاڵی زۆر كەمبووەتەوە.

2. گرنگی نەدانی لایەنی پەیوەندیدار بە بواری كشتوكاڵ و بەرهەمەكانی و یارمەتی نەدانی جوتیاران وە هاوردەی بەرهەمی زۆری كشتوكاڵ لە دەرەوەی ووڵات بۆ ناوەوەی كوردستان دەبێتە هۆكاری سەرەكی بۆ دابەزینی نرخی زەوی كشتوكاڵ وە پێمان وایە كە تاحكومەتی هەرێم لەم قەیرانە ئابوریە دەرباز نەبێت وە گرنگی بەبواری كشتوكاڵی نەدات ، نرخی زەوی كشتوكاڵی بە ئاسانی بەرز نابێتەوە .

3. بۆچونمان وایە كە نرخی زەوی خانووبەرە ڕوو لە بەرزبونەوەیە بەڵام ووردە ووردە ، بەڵام ئەو نرخانەی كە پێشتر زەوی و زار لە ساڵی 2012 - 2013 -2014 بەخۆیەوە بینی نرخی سروشتی نەبوون وە زۆر ئاستەمە زەوی و زار ئەم نرخانە بە خۆیەوە ببینێتەوە لەم نزیكانە ، بەڵام ئێستا نرخەكان سروشتین و كڕیارەكانیش كڕیاری ڕاستەقینەن نەك بۆ بازرگانی بكڕن و بفرۆشن، گەشبینین بە دوا ڕۆژی هەرێمی كوردستان لە بواری وەبەرهێنان وە هەروەها هەوڵدەدەین كە نرخەكانی زەوی و زارو خانووبەرە بڵاو بكەینەوە بە داتا و زانیاری دروست و ورد ، هەروەك چۆن نرخی نەوت بڵاو دەبێتەوە ڕۆژانە ، ئێمەش هەوڵ دەدەین زیاتر چاوڕوونی بدەینە هاوڵاتی خۆمان و حكومەت بۆ ئەوەی ئاگاداربن لە گۆڕانكاریەكانی كەرتی خانووبەرە ، پێمان وایە كە نرخی نەوت زۆر گرنگ نییە بۆ تاكی هاوڵاتی بەڵام نرخی خانووبەرە ڕاستەوخۆ پەیوەندی بە تاكەوە هەیە .

م-ع-كانی