پۆلیسێك خنكا و ئێستا سەرقاڵی دۆزینەوەی تەرمەكەن

26/06/2019 - 16:54 بڵاوکراوەتەوە لە هەواڵ/كوردستانی

به‌رگری شارستانی سۆران ئاشكرای دەكات" كەسێك كە پیشەی پاسەوانی سنورە  لە رووباری چامە خنكاوە و ئێستا سەرقاڵی دۆزینەوەی تەرمەكەن .

کاروان میراودەلی ئەفسەری بەرگری شارستانی سۆران رایگەیاند: ئاگادارکراینەوە لە خنکانی کەسێك بەناوی سەربەست عەبدولرەحمان پیرۆ، لە دایکبووی ساڵی (1978) ، كه‌ دانیشتووی سۆرانه‌، ئەو کەسە پاسەوانی سنوورە و لەکاتی دەوامی ئاسایی خۆی لە گوندی خاڵۆنه‌، سەر بەناحیەی شێروان مەزن لەرووباری چامە خنکاوە.

ئەوەشی بۆكوردستان 24ئاشكرا كردوە، تیمەکانی بەرگری شارستانی مێرگەسۆر و سۆران سەرقاڵی دۆزینەوەی تەرمەکەن لە رووبار، بەڵام تا ئێستا نه‌دۆزراوەتەوە.