سەبارەت بەموچەی مانگی چواری فەرمانبەران چەند زانیاریەك ئاشكرا دەكرێت

01/07/2019 - 16:09 بڵاوکراوەتەوە لە هەواڵ/كوردستانی

ئەگەرچی وەزارەتی دارایی حكومەتی هەرێم لە (28/5)دەستیكرد بەدابەش كردنی موچەی مانگی سێی فەرمانبەران تاوەكو (23/6)، بەڵام تا ئێستا دەستنەكراوە بەدابەش كردنی موچەی مانگی نیسان ، لەم بارەیەوە چەند زانیاریەك ئاشكرا دەكرێت .

سەرچاوەیەك لە وەزارەتی دارایی و ئابووریی حكوومەتی هەرێمی كوردستان ڕایگەیاند: هەموو ئامادەكارییەك بۆ دابەشكردنی مووچەی فەرمانبەران كراوە و چاوەڕوانی هاتنی پارەن.

ئەوەشی ئاشكرا كردوە، چاوەڕوانی هاتنی پارەی داهاتی وەزارەت سامانە سرووشتییەكانین، تاوەكو ئەمڕۆش نەهاتووە، ئەگەر تاوەكو دوو رۆژی تر بگات لەم هەفتەیەدا دابەشكردنی مووچەی مانگی 4 دەست پێ دەكات.

سەرچاوەكە ئەوەشی بۆ ماڵپەرێكی نزیك لە پارتی ئاشكرا كردوە، ئەگەر ئەو پارەیە درەنگتر بگاتە دەستیان ئەوە لە سەرەتای هەفتەی داهاتوو دەست بە دابەشكردنی مووچە دەكرێت، گوتیشی: "خشتەی مووچە دەستكاری ناكرێت سەرەتا پێشمەرگە دواتر وەزارەتی پەروەردە دەبێت.