گەنجێك خنكاو تەرمێكیش دۆزرایەوە

02/07/2019 - 22:48 بڵاوکراوەتەوە لە هەواڵ/كوردستانی

 

 

لە چەمچەماڵ گەنجێك لەكاتی مەلەكردندا، لەنێو ئاودا خنكاو لە قەڵادزێش تەرمی هاوڵاتیەك دۆزرایەوە. 

ئێوارەی ئەمڕۆ لە سنوری شارۆچكەی چەمچەماڵی سەربە پارێزگای سلێمانی، گەنجێكی تەمەن 16 ساڵ، بەناوی (س،غ) لەكاتی مەلەكردندا خنكاو دوای دەرهێنانی تەرمەكەی بۆ پشكنینن ڕەوانەی پزیشكی دادوەری سلێمانی كرا.

بەڕێوەبەری تەندروستی چەمچەماڵ رایگەیاندووە، گەنجەكە لە گوندی فەقێ میرزا لەكاتی مەلەكردندا خنكاوەو دانیشتووی شارۆچكەی چەمچەماڵە.

لەلایەكی دیكەوە هەر ئێوارەی ئەمڕۆ تەرمی هاوڵاتییەك لەنزیك گەڕەكی كانی زێنی قەڵادزێ لە ناوبیرێكی ئاودا دۆزرایەوە.

تاكو ئێستا ناسنامەی كەسەكەو هۆكاری مردنەكەی نازانرێت، پۆلیس دەستی بەلێكۆڵینەوە لە ڕووداوەكە كردووە.