ئاسایشی شارەزوور دەستگیركردنی 23 تۆمەتباری ڕاگەیاند

10/07/2019 - 12:34 بڵاوکراوەتەوە لە هەواڵ/كوردستانی


بەڕێوبەرایەتی ئاسایشی شارەزوور دەستگیركردنی 23 تۆمەتباری بە تۆمەتی ئەنجامدانی چەندین تاوانی جۆراوجۆر ڕاگەیاندو ئاماژەی بەوەشكرد: لێكۆڵینەوە لە ڕوداوەكان بەردەوامە.


بەڕێوبەرایەتی ئاسایشی شارەزوور لە ڕاگەیەندراوێكدا كەوێنەیەكی بۆ كوردیو نێردراوە، ڕایگەیاند: بەپێی ماددەی (14ی مخدرات) توانیومانە لە كات و بەرواری جیاجیادا لە ماوەی دوومانگی ڕابردوودا واتە لە مانگی (پێنجی ئەمساڵەوە تا مانگی حەوت ) (23) بیست و سێ تۆمەتبار دەستگیر بكەن و ڕوو بەڕوی یاسایان بكەنەوە.


هەروەها ئەوەشی خستەڕوو: سەرجەمی تۆمەتبارەكان خەڵكی ناوچە جیاجیاكانی هەرێمی كوردستان و دەرەوەی هەرێمن وە سەرجەمیشیان لە ڕەگەزی نێرن.


ئاماژەی بەوەشكرد: تۆمەتبارەكان تەمەنیان لە نێوان (15 بۆ 31)ساڵدایە ، هاوكات ‌لەكاتی دەستگیركردنی تۆمەتبارەكانیشدا دەستگیراوە بەسەر چەندین جۆر مادەی هۆشبەر و حەب و كەرەستەی بەكار هێنانی ماددەی هۆشبەر ،لێكۆلینەوەی زیاتریش لە تۆمەتباران بەردەوامە .