یەكەمین كاروانی حاجیانی هەرێم بەرەو عەرەبستانی سعودیە بەڕێكەوتن

11/07/2019 - 11:04 بڵاوکراوەتەوە لە هەواڵ/كوردستانی

 

ئەمڕۆ پێنجشەممە بەمەبەستی بەجێ گەیاندنی فەریزەی حەج، یەكەمین كاروانی حاجیانی ھەرێمی كوردستان كە پێكھاتبوون لە ٣٧٦ حاجی ھەولێر بەرەو وڵاتی عەرەبستانی سعودیە بەرێكەوتن.


وەزارەتی ئەوقاف و كاروباری ئاینی حكومەتی هەرێمی كوردستان لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: ئەمڕۆ پێنجشەممە 2019/7/11 لە فرۆكەخانەی نێودەوڵەتی ھەولێر بەمەبەستی بەجێ گەیاندنی فەریزەی حەج، یەكەمین كاروانی حاجیانی ھەرێمی كوردستان كە پێكھاتبوون لە ٣٧٦ حاجی ھەولێر بەرەو وڵاتی عەرەبستانی سعودیە بەرێكەوتن.

 

ئەوەشی خستەڕوو: لەگەڵ كاروانەكەدا لیژنەی تەندروستی یاوەریان بوون كە پێكھاتوون لە ٢٧ پزیشك لە بواری جۆراوجۆر بە تایبەتی پزیشكی نەخۆشیە درێژخایەنەكان و پزیشكی پسپۆری ئافرەتان و یاریدەدەری پزیشك و كارمەندی تەندروستی كە ھەموو خزمەت گوزارییەكی پزیشكی پێشكەش بەحاجیان دەكەن لەماوەی مانەوەیان لە عەرەبستانی سعودیە، هەر ئەمڕۆ كاروانێكی تری حاجیان لەفرۆكە خانەی سلێمانی بەڕێدەكەون ئەوانیش بریتین لە ١٨٨ حاجی.

 

جێگەی ئاماژەیە ژمارەی حاجیانی ھەرێم بۆ ئەمساڵ 7000 كەسن و زیاتر لە 35 ڕۆژ لە سعودیە دەمێننەوە و لیژنە تایبەتییەكانی وەزارەتیش لە شاری مەدینەی پیرۆز لە پێشوازی حاجیانی كوردستان دان.