علی قەرەداغی ئیدانەی هێرشە تیرۆریستیەكەی شاری هەولێر دەكات

20/07/2019 - 10:10 بڵاوکراوەتەوە لە هەواڵ/كوردستانی

 

یەكێتـی جیهانی زانایانی مسوڵمان زۆر بەتوندی ئیدانەی هێرشە تیرۆریستیەكەی شاری هەولێر دەكات و راشیدەگەیەنێت ئەم كارە زۆر تاوانكاری و ترسنۆكانەیەو لەرووی شەرعیشەوە كارێكی حەرامەو بەیەكێك لەتاوانە گەورەكان دادەندرێت.
لەڕاگەیەنراوێكدا كەوینەیەكی دەست كوردیو كەوتوە یەكێتـی جیهانی زانایانی مسوڵمان زۆر بەتوندی ئیدانەی هێرشە تیرۆریستیەكەی شاری هەولێر دەكات، كەبوە هۆی لەدەستدانی چەند كەسایەتیەكی مەدەنی لەنێویشیاندا جێگیری قونسوڵی توركیا لەهەرێمی كوردستان ."
دەقی راگەیەنراوەكە:
دكتۆر قەرەداغی ئەمینداری گشتی یەكێتی جیهانی زانایانی مسوڵمان و وتەبێژی فەرمی رێكخراوەكە زۆر بەتوندی ئیدانەی ئەو هێرشە تیرۆریستیەی كرد كەلەشاری هەولێر ئەنجام درا بوە هۆی كوژرانی چەند كەسێكی مەدەنی كەلەنێویشیاندا جێگیری قونسوڵی توركیا بوو لەهەولێر، قەرەداغی جەختی لەوە كردەوە كە ئەم كارە زۆر تاوانكاری و ترسنۆكانەیەو لەرووی شەرعیشەوە كارێكی حەرامەو بەیەكێك لەتاوانە گەورەكان دادەندرێت وەك خوای گەورە دەفەرموێت (أَنَّهُ مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا ؤمَنْ أَحْيَاهَا فَكَأَنَّمَا أَحْيَا النَّاسَ جَمِيعًا) ]المائدە: 32)
هەروەها ئەم كارەی بەتاوان و تیرۆریستی لەقەڵەمدا ئەگەر بكەرەكەی هەركەسێك بێت ، هەروەها ئیدانەی بەئامانج گرتنی كەسانی مەدەنی كردو جەختی لەسەر حەرامی رشتنی خوێنی مرۆڤ كردەوە وتی: هەرپەلاماردان و ئازاردانێكی مرۆڤ لەروانگەی ئاینە ئاسمانیەكان و یاسا نێودەوڵەتیەكانەوە بەناجائیز لەقەڵەمدا ، پاشان وتی كە ئەم جۆرە كردەوە تاوانكاریانە بەدوای خویدا تەنها وێرانی و توندوتیژی و دووبەرەكی زیاتر بەدوای خۆیدا دەهێنێت ، دەبێتە چەترێك بۆ توندڕەوەكان و رەگەزپەرستەكان بۆ ئەوەی بۆ ناشرین كردنی مسوڵمانان بەكاری بهێنن ،لەكۆتایشدا ئەوەی رون كردەوە كە ئەم جۆرە تاوانكارانە تەنها خزمەت بەئامانج و پیلانی دوژمنان دەكات
(واللَّهُ غَالِبٌ عَلَي أَمْرِهِ ؤلَكِنَّ أَكْثَرَ النَّاسِ لَا يَعْلَمُونَ)

دكتۆر عەلی قەرداغی
ئەمینداری گشتی یەكێتی جیهانی زانایانی مسوڵمان