قەرەداغ... دوو گەنج لەچەمی دێوانەدا ده‌خنكێن

20/07/2019 - 10:05 بڵاوکراوەتەوە لە هەواڵ/كوردستانی

پۆلیسی سلێمانی ڕایدەگەیەنێت: رۆژی هەینی ٢٠١٩/٧/١٩، دوو گەنج لەچەمی دێوانە خنكان و دواتر لەلایەن مەفرەزەكانی بنكەی پۆلیسی پیشەسازی سەر بەبەشی پۆلیسی دەربەندیخانەوە تەرمی قوربانییەكان دۆزرانەوە.

 

بەڕێوبەرایەتی پۆلیسی سلێمانی لەڕونكردنەوەیەكدا كە وێنەیەكی دەست كوردیو كەوتووە ڕایگەیاند: پاش ئاگادار كردنەوەی مەفرەزەكانی بنكەی پۆلیسی پیشەسازی لەڕوداوێكی خنكان، دەستبەجێ مەفرەزەكانی پۆلیس گەیشتنە شوێنی ڕوداوەكەو لەلایەن دو كارمەندی پۆلیسەوە توانرا تەرمی قوربانییەكان بدۆزرێتەوەو لەچەمەكە دەربهێنرێنەوە.

 

هەروەها وتیشی: دوو قوربانییەكە ناویان (أ، أ، ع) لەدایكبوی ساڵی ٢٠٠٦ و (ح، س، أ) لەدایكبوی ساڵی ٢٠٠٤ و بەپێی لێكۆڵینەوە سەرەتاییەكان، بەمەبەستی گەشت و سەیران چونەتە ئەو ناوچەیە، لەلایەن بنكەی پۆلیسی پیشەسازییەوە پەڕاوی لێكۆڵینەوە بۆ ڕوداوەكە كراوەتەوەو لێكۆڵینەوەكان دەستیانپێكردووە.