كۆمسیۆن ئەوكەسانە ئاگاداردەكاتەوەكە كریێ سەرسندوقیان وەرنەگرتوە

20/07/2019 - 13:21 بڵاوکراوەتەوە لە هەواڵ/كوردستانی


كۆمسیۆنی باڵای سەربەخۆی هەڵبژاردن و ڕاپرسی هەرێم ئەوكارمەندانەی رۆژی هەڵبژاردنی 30ی ئەیلولی پەرلەمانی كوردستان ئاگاداردەكاتەوە كە كرێی سەرسندوقەكانیان وەرنەگرتوە داویان لێ دەكات كە بەزوترین كات سەردانیان بكەن.


لەئاگادارینامەیەكدا كەوێنەیەكی دەست كوردیو كەوتوە كۆمسیۆنی باڵای سەربەخۆی هەڵبژاردن و ڕاپرسی / فەرمانگەی هەولێررایگەیاندوە"ئاگاداری سەرجەم ئەو بەڕێزانە دەكەینەوە كە لە سنوری پارێزگای هەولێر كارمەندی ڕۆژی دەنگدان بوون، بۆ هەڵبژاردنی پەرلەمانی كوردستان كەلە(2018/9/30) ئەنجامدرا، تاوەكو ئێستا مووچە(كریێ) یان وەرنەگرتوە، پێویستە بەزووترین كات سەردانی فەرمانگەكەمان بكەن، چونكە دوا بەروار بۆ دابەشكردنی ئەم پاداشتە لە فەرمانگەكەمان (2019/8/15)دەبێت"


ئاماژەی بەوەشداوە" پێویستە فەرمانبەری ناوبراو یەكێك لەم بەڵگەنامەو كۆپیەكەی لە لابێت وەك : (پاسپۆرت ، كارتی نیشتیمانی ، ناسنامەی باری شارستانی ، ڕەگەزنامەی عێراقی ، مۆڵەتی شۆفێری ). و هیچ كەسێكیش ناتوانێت لەجێگای كەسێكی ترئەم كرێیە وەربگرێت."