هێزەكانی ئێران هاتنە ناوخاكی هەرێم و 11 شوانی كوردیان دەستگیركرد

21/07/2019 - 11:38 بڵاوکراوەتەوە لە هەواڵ/كوردستانی

 


بەڕێوەبەری ناحیەی حاجی ئۆمەران ڕایدەگەیەنێت: هێزەكانی ئێران لەناو خاكی هەرێم زیاتر لە 400 مەڕی رەوەندەكانیان بردوەو دواتریش 11 كەسیانی لێدەستگیركردوون.


فەرزەنگ ئەحمەد بەڕێوەبەری ناحیەی حاجی ئۆمەران بە میدیاكانی نزیك لە پارتی ڕاگەیاند: بەیانی ئەمڕۆ یەك شەممە 21-7-2019 ژمارەیەك لە هێزەكانی ئێران بە قوڵایی چوار كیلۆمەتر هاتوونەتە ناوخاكی ھەرێمی كوردستان لە ناوچە كوێستانییەكانی حاجی ئۆمەران، نزیكەی 440 سەر مەڕی رەوەندەكانیان بردووە.


هەروەها ئەوەشی خستەڕوو: دواتر شوانەكان لەگەڵ خێزانەكانیان چوونەتە دیوی ئێران بۆ ئەوەی مەڕەكانیان وەربگرنەوە، بەڵام ھێزەكانی ئێران 11 شوانیان دەستگیر كردووە و ژنەكانیشیان ناردووەتەوە دیوی ھەرێمی كوردستان.