تەندروستی هەواڵێكی میدیا عێراقیەكان رەت دەكاتەوە

22/07/2019 - 14:17 بڵاوکراوەتەوە لە هەواڵ/كوردستانی

دوای ئەوەی راگەیاندنە عێراقیەكان ئاشكرایان كرد بارێك دەرمانی قاچاغ لە بازگەی دێگەڵەی هەولێر گیراوە ، لەم بارەیەوە بەڕێوەبەرای گشتی كۆنترۆڵی جۆریی دەرمان رونكردنەوە دەدات و ئەم هەواڵە رەت دەكاتەوە .

د. گۆران میرزا، بەڕێوەبەری گشتی كۆنترۆڵی جۆریی دەرمان رایگەیاند: دوێنێ لە بازگەی دێگەڵە هیچ بڕە دەرمانێكی قاچاخ دەستی بەسەردا نەگیراوە.

كۆنترۆلی جۆری دەرمان ئەوەشی ئاشكرا كردوە ، (150) بوتڵی رۆن و پێستی مار كە بۆ مەبەستی تەندروستی و جوانكاری و چارەسەری نەخۆشی ڕیكلامی بۆ دەكرێت لە بازگەی گۆمەسپان لەلایەن بەشی بازگەكانی كۆنترۆڵی جۆریی دەرمان KMCA دەستی بەسەرداگیرا.

خاڵس قادر، بەڕێوەبەری گشتی دیوان لە وەزارەتی تەندروستی حكومەتی هەرێم رایگەیاند: دوای بەدواداچوون بۆ ئەو جۆرە دەرمان و پێستی مارە دەركەوتووە كە مەبەست لە هێنانی ئەو جۆرە مەوادانە بۆ پەیداكردنی پارەیە و هیچ سودێك بە هاووڵاتیان ناگەیەنێت.

ئەوەشی بۆدوارۆژ ئاشكرا كردوە، ئەو جۆرە كەسانەی هەوڵ دەدەن لەڕێگەی قاچاخەوە كاری لەو جۆرە بكەن سزای توندی ماددی و یاسایی دەدرێن و ڕێگەشیان پێنادرێت ئەو جۆرە مەوادانە لەناو هەرێمی كودستان ساغ بكەنەوە، پێویستە هاووڵاتیان تەنیا ئەو بەرهەمانە بكڕن و بەكاربهێنن كە ستیكەریان لەسەرە.