لەسەر دیاریدەیەك قائیمقامیەتی هەولێر هۆشداری دەداتە هاوڵاتیان

27/07/2019 - 11:53 بڵاوکراوەتەوە لە هەواڵ/كوردستانی


قائیمقامیەتی قەزای ناوەندیی هەولێر ڕایدەگەیەنێت: ئەو ماددە خۆراكیانەی لە بەرخۆر دانراون زیان بە تەندروستی هاوڵاتیان دەگەیەنن، و پێویستە هاوڵاتیان خۆیان بەدووربگرن لەكڕینی.


قائیمقامیەتی قەزای ناوەندیی هەولێر لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: تێبینی دەكرێت لە زۆربەی كۆگا و سوپرماركێت و گۆشت فرۆش و خاوەن پیشەوەرانی ناو شاری هەولێر بەروبوومە شیرەمەنیەكان و گۆشت و بەرووبومی پەلەوەر ئاژەڵی و خواردنەوە گازیەكان و شەربەت كاڵا و شتومەك و خواردنە لەقوتوكراوەكان بەهەموو جۆرەكانیەوە لەبەردەم شوێنەكان دادەنرێت.


هەروەها ئەوەشی خستەڕوو: سەرەڕای ئەوەی سەرپێچی زێدەڕۆیی شارەوانین پلەی گەرمی تیشكی خۆر كاریگەری دەكاتە سەر پێكهاتەی كاڵاكە دەبێتە هۆی ژەهراوی بوون.


ئاماژەی بەوەشكرد: لەبەر بەرژەوەندی گشتی و بۆمەبەستی پاراستنی تەندروستی و سەلامەتی گیانی هاوڵاتیان بەپێویستمان زانی بە قەدەغەكردنی ئەم دیاردەیە بەهیچ شێوەیەك ڕێگا نەدرێت ، بۆ ئەم مەبەستە ئاگاداری سەرجەم شارەوانیەكان كراوەتەوە كاری پێویست ئەنجام بدەن بۆنەهێشتنی ئەم دیاردەیە .


قائیمقامیەتی قەزای ناوەندیی هەولێر داواش لە هاوڵاتیان دەكات خۆیان بەدوور بگرن لەكڕینی ئەم كاڵایانە .