چەمچەماڵ... 60 دۆنم پوش و پاوان سووتا

28/07/2019 - 11:18 بڵاوکراوەتەوە لە هەواڵ/كوردستانی


راگەیاندنی پۆلیسی دارستان و ژینگەی سلێمانی ڕایدەگەیەنێت: بەهۆی كەوتنەوەی ئاگرەوە لەناحیەی شۆرش سەر بەقەزای چەمچەماڵ 60 دۆنم پوش و پاوان سووتا.


بەڕێوەبەری راگەیاندن لە بەرێوەبەرایەتی پۆلیسی دارستان و ژینگەی پارێزگای سلێمانی ڕایگەیاند: ئاگریكی بەرفراوان كەوتەوە لەناحیەی شۆرش سەربەقەزای چەمچەماڵ دەست بەجێ مەفرەزەكانی بنكەی پۆلیسی دارستان و ژینگەی شورش بەهاوكاری لەگەڵ بەشی پۆلیسی دارستانی چەمچەماڵ گەیشتە شوێنی ڕووداوەكە توانرا لەماوەیەكی كەمدا ئاگرەكە كۆنترۆڵ بكرێت.


هەروەها ئەوەشی خستەڕوو: بەهۆی ئاگرەكەوە 60 دۆنم پوش و پاوان بوو سوتان و هۆكاری ئاگركەوتنەوەكە نادیارەو لێكۆڵینەوە لەو بارەیەوە بەردەوامە .