سلێمانی... لەسەرپیس كردنی ژینگە هۆشداری دەدرێتە كارگە و كۆمپانیاكان

31/07/2019 - 13:11 بڵاوکراوەتەوە لە هەواڵ/كوردستانی

 کوردیو - سلێمانى


لێپرسراوی بەشی خزمەت گوزاریەكانی شارەوانی سلێمانیش ڕایدەگەیەنێت: بەمەبەستی قسەكردن لە سەر ژینگەی شاری سلێمانی و كەم كردنەوەی زیانە كانی فڕێدانی پاشماوەی خۆڵ خاشاك لەناوچەی تانجەرۆ، گفتوگۆیەكی كراوە بۆژمارەیەك لەچالاكوانانی ژینگەو نوێنەرانی ئەنجومەنی پارێزگای سلێمانی و تەندروستی سازكرا.

 

نزاركەمال، لێپرسراوی خزمەت گوزاریەكانی شارەوانی سلێمانی بە کوردیوى ڕایگەیاند: لەئێستادا داپۆشینی خۆڵ وخاشاك لە ناوچەی تانجەرۆ بەهەڕەمەكی لە ناو دەبرێت و نەتوانراوە بەشێوەی زانستی ئەو خۆڵ و خاشاكە لەناوببرێ و ژینگەی سلێمانی پیسكردووەو زیانی گەورەی تەندروستی هەیە بۆ هاوڵاتیان.


ئاماژەی بە وەشكرد: ، سزای هەموو ئەو كۆمپانیاو كارگانە دەدەن كە دەبنە هۆكاری پیس كردنی ژینگەی شارەكە، وە بەهاری ساڵی داهاتوو كارگەی ریسایكلینی تایبەت بە لە ناو بردنی خۆڵ وخاشاكی شاری سلێمانی تەواو دەبێت و تائەوكاتە دەبێت هەربەو ڕێگایەی ئێستاخۆڵ وخاشاك لەناوبەرن.