ڕۆژهەڵاتی كوردستان... هەر سێ ڕۆژجارێك هاووڵاتییەكی كورد لە سێدارە دراوە

04/08/2019 - 09:02 بڵاوکراوەتەوە لە هەواڵ/كوردستانی

 


لەماوەی مانگی ڕابردوودا هەر سێ ڕۆژجارێك بڕیاری هاووڵاتییەكی كورد لە بەندیخانەكانی ئێران جێبەجێ كراوە كە لەسێدارەدان بووە.

 

بە پشتبەستن بە ئاماری تۆماركراو لە ناوەندی ئاماری ڕێكخراوی مافی مرۆڤی هەنگاو لە ڕۆژهەڵاتی كوردستان، لە ماوەی مانگی ڕابردوودا لانیكەم ١١ هاووڵاتیی كورد لە بەندیخانەكانی ئێران لە سێدارە دراون.

 

بە پێی ئەو ڕاپۆرتە ١٠ هاووڵاتیی خەڵكی پارێزگای ئورمیە و هاووڵاتییەكی خەڵكی پارێزگای لوڕستان لە سێدارە دراون.

 

هەروەها، هەموو ئەو كەسانە بە تۆمەتی كوشتنی ئەنقەست (قەتڵ) بڕیاری سێدارەیان بەسەردا سەپاوە و دوو كەسیان ژن بوون.