داعش سنووری خانەقین بۆردومان دەكات

09/08/2019 - 11:41 بڵاوکراوەتەوە لە هەواڵ/كوردستانی

 

 

بەرەبەرەیانی ئەمڕۆ گروپە چەكدارەكانی داعش، بۆردومانی چەند گوندێكی ناوچەی ئیمام وەیسی سەر بە شارۆچكەی خانەقینیان كردو كوژراوو بریندار هەیە.

پۆلیسی دیالە رایگەیاند: بەرەبەیانی ئەمڕۆ چەكدارانی داعش ناوچەی ئیمام وەیسیان هاوەنباران كردووە.

وتیشی: بەهۆی ئەو بۆردومانەوە كەسێك گیانی لە دەستداوەو كەسێكی دیكەش بریندار بوونە كە هاوڵاتی سڤیلن.

باس نیوز بڵاویكردۆتەوە، بەهۆی هەڕەشە و مەترسی تیرۆریستانی داعش زیاتر لە (20) گوندی دەوروبەری ئیمام وەیسی لەلایەن دانیشتووانەكانییانەوە چۆڵكراون بەپێی وتەی ئەو ئەفسەرەش چۆڵكردنی ئەو گوندانە هۆكاری زیاتر داوەتە دەست تیرۆریستانی داعش كە بە ئارەزووی خۆیان بۆردومانی ناوچەكە بكەن.