بەهۆی سووتاوییەوە ئافرەتێك گیانی لەدەستدا

09/08/2019 - 17:04 بڵاوکراوەتەوە لە هەواڵ/كوردستانی

 

 

لە پارێزگای هەڵەبجە ژنێكی تەمەن (43) ساڵ سوتاو دوای گەیاندنی بەنەخۆشخانە لەبەر زۆری ڕێژەی سووتاوییەكەی گیانی لەدەستدا.

دوای ئەوەی ڕۆژی 8 ی ئاب لە گوندی خێڵی حەمەی سەر بەشارەدێی خورماڵ لە پارێزگای هەڵەبجە ژنێكی تەمەن (43) ساڵ سوتا، بەهۆی زۆری ڕێژەی سوتاوییەكەی لەنەخۆشخانە گیانی لەدەستدا.

ڕائید بەرزان عوسمان وتەبێژی بەڕێوەبەرایەتی پۆلیسی پارێزگای هەڵەبجە لە ڕاگەیەندراوێكدا ڕایگەیاندووە: ئەو ژنە ناوی (ن،ع،م) تەمەن (43) ساڵ بووەو ژنی ماڵەوە بووە، دوای گەیاندنی بەنەخۆشخانە گیانی لەدەستداوە.

وتەبێژی بەڕێوەبەرایەتی پۆلیسی هەڵەبجە ئاشكرای كرد، لە بنكەی پۆلیسی خورماڵ پەڕاوی لێكۆڵینەوە بۆ ڕووداوەكە كراوەتەوە.