پەرلەمانتارێكی یەكگرتوو پەیامێك ئاڕاستەی قوتابیانی پۆلی۱۲دەكات

10/08/2019 - 12:46 بڵاوکراوەتەوە لە هەواڵ/كوردستانی


لەدوای پێكهینانی لیژنەیەك لە پەرلەمانی كوردستان كە لەچوار پەرلەمانتار پێك هاتبوو بەسەرۆكایەتی پەرلەمانتاری یەكگرتوو هلز ئەحمەد بۆ لێكۆڵینەوە لە ئەنجامی تاقیكردنەوەكانی پۆلی دوانزە لیژنەكە دوای لێكۆڵینەوە گەیشتە كۆمەڵێك ڕاستی لەبارە بوونی هەڵە لە پرسیارەكانی ئەم ساڵی تاقیكردنەوەی وەزاری، كۆمەڵێك ڕاسپاردەی بۆ سزادانی كەمتەرخەمان دایە وەزارەتی پەروەردە.


هلز ئەحمەد پەرلەمانتار لەسەر فراكسۆنی یەكگرتووی ئیسلامی كوردستان و سەرۆكی لیژنەی بەدواداچون بۆگرفتەكانی تاقیكردنەوەكانی پۆلی 12، ڕاگەیاند: ئێمە دوای ئەوەی لێكۆڵینەوەمان كرد وەك لیژنەی بەدواداچون بۆمان دەركەوت كۆمەڵێك هەڵەی گەوە كراوە و زیانی گەورە بەر قوتابیان كەوتوە كۆمەڵێك ڕاسپاردەمان دا وەزارەتی پەروەردە بۆ سزادانی كەمتەرخەمان وەزارەتی پەروەردە دوای ڕاسپاردەكانی ئێمە كۆمەڵێك بڕیاری دەركردوە.


هەرەها ووتیشی: گرنگرترینیان ئەوەیە هەر قوتابیەك دوای وەرگرتنەوەی نمرەكانی بەشێوەی ئەلیكترۆنی دەتوانێ وەڵامی پرسیارەكانی كە لەدەفتەری تاقیكردنەوە داویەتیەوە بیبینێت بەو كۆدەی نمرەكانی ئاواش وەڵامی راستی و دروستی دەفتەرەكەشی بۆ دیتەوە.